టాలీవుడ్ హిట్ చిత్రాల నటి సంయుక్త మీనన్ బుధవారం ఉదయం తిరుమల శ్రీవారిని దర్శించుకున్నారు. తెల్లవారుజామున స్వామివారికి నిర్వహించే అత్యంత పవిత్రమైన తోమాల సేవలో ఆమె పాల్గొన్నారు. స్వామివారిని పూలమాలలతో అలంకరించే ఈ విశిష్ట సేవలో పాల్గొని ఆమె భక్తితత్పరతను చాటుకున్నారు. సాంప్రదాయ పట్టు వస్త్రాల్లో ఆలయానికి వచ్చిన సంయుక్తకు టీటీడీ అధికారులు దర్శన ఏర్పాట్లు చేశారు. దర్శనం అనంతరం రంగనాయకుల మండపంలో వేద పండితులు ఆమెకు ఆశీర్వచనం అందజేశారు. కలియుగ దైవాన్ని దర్శించుకోవడం తనకెంతో ప్రశాంతతను ఇస్తుందని, స్వామివారి కృపతో అందరూ బాగుండాలని కోరుకున్నట్లు ఆమె మీడియాకు తెలిపారు.
Source link
Samyuktha Menon in Tirumala | తిరుమలలో నటి సంయుక్త మీనన్ సందడి..
