Pithapuram Politics: మాజీ ఎమ్మెల్యే వర్మకు టీడీపీ ఝలక్..! ఫిఠాపురం కింగ్ రియాక్షన్ ఇదే | ఆంధ్ర ప్రదేశ్ రాజకీయ వార్తలు (Andhra Pradesh Politics)

జనసేన తెలుగుదేశం కార్యకర్తలు, నేతల మధ్య ఏదో ఒక వివాదం చెలరేగుతూనే ఉంది. తాజాగా పిఠాపురం పట్టణంలో ఒక ప్రారంభోత్సవానికి సంబంధించి బ్యానర్లో ముఖ్యమంత్రి ఫోటో లేదని వర్మ అక్కడున్న వారిని నిలదీశారు. ఇలాంటి తరుణంలో జనసేన తెలుగుదేశం పార్టీ నేతల మధ్య తోపులాట సైతం సంభవించింది. ఒకరిపై ఒకరు తిట్ల దండకం అందుకున్నారు. పిఠాపురం నియోజకవర్గంలో పెద్ద ఎత్తున ఒకరిపై ఒకరు తూపులాటకు దిగిన పరిస్థితి నెలకొంది. ఈ విషయం కాస్త అధిష్టానం దృష్టికి సైతం వెళ్లిందని చెప్పుకోవచ్చు. అయితే వర్మ ప్రతి విషయంలో కాంప్రమైజ్ కాకుండా కాస్త అత్యుత్సాహం ప్రదర్శిస్తున్నారంటూ అధిష్టానం సీరియస్ గా ఉన్నట్లు సమాచారం అందుతుంది.

ఇలాంటి తరుణంలో పిఠాపురం నియోజకవర్గ బాధ్యత నుంచి వర్మను తొలగిస్తూ అధిష్టానం ప్రత్యేక లేఖను విడుదల చేసినట్లుగా సమాచారం అందుతుంది. కేవలం పవన్ కళ్యాణ్ కు వ్యతిరేకంగా వర్మ ఉంటున్నారని చంద్రబాబు తొలగించారంటూ పలువురు గుసగుసలాడుతున్నారు . నిజానికి చంద్రబాబుకు అత్యంత శిష్యుడిగా సైతం వర్మ ఉంటారని చెప్పుకోవచ్చు. గతంలో తెలుగుదేశం పార్టీ సీటు వర్మకు ఇవ్వలేనప్పటికీ ఆయన ఇండిపెండెంట్‌గా పోటీ చేసి గెలిచి మళ్లీ టిడిపిలోకి వెళ్లిన పరిస్థితి ఉంది. ఇలా తెలుగుదేశం పార్టీతో వర్మకు విడదీయరాన్ని అనుబంధం ఉందని చెప్పుకోవచ్చు. మరి ప్రస్తుతం వర్మను ఇంచార్జి బాధ్యతల నుంచి తప్పించడం వెనక పెద్ద స్కెచ్ ఉంటుందంటూ ఇంకొందరు వారి ఊహాగానాలు వినిపిస్తున్నారు. ఏదేమైనా జరిగిన పరిణామాల తర్వాత ఈ విషయంలో వర్మ , వర్మ అనుచరులు ఏ విధంగా ముందుకెళ్తారో చూడాలి.