Pawan Kalyan: దూకుడు పెంచిన ఏపీ డిప్యూటీ సీఎం.. నేడు రాజమండ్రి పర్యటన.. పూర్తి షెడ్యూల్ ఇదే | ఆంధ్రప్రదేశ్ వార్తలు

అనారోగ్యం నుంచి కోలుకున్న తర్వాత పవన్ కళ్యాణ్ అధికారికంగా పాల్గొంటున్న మొదటి పబ్లిక్ పర్యటన ఇదే కావడంతో అటు ప్రభుత్వ వర్గాల్లోనూ ఇటు కూటమి నాయకులు జనసేన శ్రేణుల్లోనూ తీవ్ర ఆసక్తి నెలకొంది.

ఆదివారం సాయంత్రం: పవన్ కళ్యాణ్ ప్రత్యేక మార్గం ద్వారా ఆదివారం సాయంత్రానికి రాజమండ్రి నగరానికి చేరుకుంటారు.

రాత్రి బస: రాజమండ్రి చేరుకున్న అనంతరం ఆయన ఆదివారం రాత్రికి అక్కడే బస చేయనున్నారు. ఈ సందర్భంగా స్థానిక కూటమి నేతలు జనసేన ముఖ్య నాయకులు ఆయనను మర్యాదపూర్వకంగా కలిసే అవకాశం ఉంది.

సోమవారం ఉదయం: సోమవారం ఉదయం నుండి పవన్ కళ్యాణ్ క్షేత్రస్థాయిలో పర్యటించి, అధికారిక సమీక్షా కార్యక్రమాలలో పాల్గొంటారు.

సోమవారం ఉదయం ఆయన గోదావరి నదీ పరివాహక ప్రాంతాలలో క్షేత్రస్థాయి పరిశీలన జరుపుతారు. నదిలో వివిధ ఘాట్ల నిర్మాణం పుష్కరాలకు వచ్చే లక్షలాది మంది భక్తులకు కల్పించాల్సిన కనీస అవసరాలు సౌకర్యాలపై స్థానిక అధికారులు, ప్రజాప్రతినిధులతో కలిసి ఆయన సుదీర్ఘ సమీక్ష నిర్వహించనున్నారు. పుష్కరాల నిర్వహణలో ఎలాంటి లోపాలు లేకుండా అంతా పకడ్బందీగా జరిగేలా ఇప్పటి నుంచే కార్యాచరణను సిద్ధం చేయడమే ఈ పర్యటన యొక్క ముఖ్య ఉద్దేశం. పవన్ కళ్యాణ్ రాకను పురస్కరించుకుని రాజమండ్రి జిల్లా యంత్రాంగం కూటమి నేతలు ఇప్పటికే అక్కడ అన్ని రకాల ప్రత్యేక ఏర్పాట్లు పూర్తి చేశారు.