Last Updated:
ఏపీ లో Bharatiya Janata Party Telugu Desam Party Jana Sena Party కూటమిలో ఫోటో వివాదాలతో జనసేన టీడీపీ మధ్య ఉద్రిక్తతలు పెరుగుతున్నాయనే చర్చ రాజకీయంగా హాట్ టాపిక్.
ఏపీ రాజకీయాల్లో కూటమి బలంగా కనిపించినా, లోపల మాత్రం విభేదాల మంటలు రగులుతున్నాయా అన్న సందేహాలు తలెత్తుతున్నాయి. ఎన్నికల సమయంలో కలిసి పోటీ చేసిన Bharatiya Janata Party, Telugu Desam Party, Jana Sena Party మధ్య సమన్వయం కుదరడం లేదన్న చర్చలు రోజురోజుకీ పెరుగుతున్నాయి. ముఖ్యంగా బీజేపీ ప్రభావం చాలా ప్రాంతాల్లో పరిమితంగా ఉండటంతో, తెలుగుదేశం, జనసేన మధ్యే అసలు టెన్షన్ బయటపడుతోందని రాజకీయ వర్గాలు విశ్లేషిస్తున్నాయి.
ఈ విభేదాలకు తాజా ఉదాహరణగా పిఠాపురం నియోజకవర్గంలో జరిగిన ఘటన నిలుస్తోంది. ఇక్కడ స్వయంగా జనసేన అధినేత పవన్ కళ్యాణ్ (Pawan Kalyan) పోటీ చేసి గెలిచినప్పటికీ, తరచూ చిన్న చిన్న విషయాలే పెద్ద గొడవలకు దారితీస్తున్నాయి. ఇటీవల నిర్వహించిన ప్రభుత్వ కార్యక్రమంలో సీఎం ఫోటో లేకపోవడంపై మాజీ ఎమ్మెల్యే వర్మ తీవ్రంగా అధికారులను నిలదీశారు. ఈ ఘటనతో అక్కడ జనసేన, టీడీపీ నాయకుల మధ్య మాటామాటా పెరిగి తోపులాటలకు దారితీసింది. పరిస్థితి ఉద్రిక్తంగా మారడంతో పోలీసులు రంగప్రవేశం చేసి ఇరు వర్గాలను చల్లార్చాల్సి వచ్చింది.
ఈ ఘటన ఇంకా చల్లారకముందే, అంబేద్కర్ కోనసీమ జిల్లా పి. గన్నవరం నియోజకవర్గంలో మరో వివాదం వెలుగులోకి వచ్చింది. డ్వాక్రా మహిళలకు సెల్ఫోన్ల పంపిణీ కార్యక్రమంలో జనసేన శ్రేణులు ఆగ్రహం వ్యక్తం చేశాయి. మా అధినేత ఫోటో ఎక్కడ? అంటూ అక్కడే ప్రశ్నలు గుప్పించారు. ముఖ్యంగా ఆశ్చర్యకరమైన విషయం ఏమిటంటే, ఆ నియోజకవర్గ ఎమ్మెల్యే కూడా జనసేనకే చెందినవారు కావడం. అయినప్పటికీ కార్యక్రమంలో పవన్ కళ్యాణ్ ఫోటోలు కనిపించకపోవడం జనసైనికులను తీవ్ర అసంతృప్తికి గురిచేసింది.
ఇప్పటికే పలు నియోజకవర్గాల్లో ఇలాంటి చిన్న చిన్న సంఘటనలు బయటపడుతుండగా, ఇంకా బయటకు రాని విభేదాలు ఎంతమేర ఉన్నాయో అన్న చర్చ రాజకీయ వర్గాల్లో జోరుగా సాగుతోంది. ఒకవైపు పెద్ద నాయకులను గౌరవించడం లేదని కొందరు ఆరోపిస్తుంటే, మరోవైపు మమ్మల్ని అసలు పట్టించుకోవడం లేదు అంటూ జనసేన శ్రేణులు ఆవేదన వ్యక్తం చేస్తున్నాయి. ఫోటో పెట్టాలా వద్దా అనే చిన్న అంశమే కూటమి పార్టీల మధ్య పెద్ద చిచ్చుగా మారుతోంది.
మొత్తానికి, ఏపీ కూటమిలో జనసేన–టీడీపీ మధ్య ఉన్న ఈ ఫోటో వివాదాలు కేవలం పైపైకి కనిపిస్తున్నవేనా..? లేక లోపల మరింత లోతైన విభేదాలకు సంకేతమా..? అన్నది ఇప్పుడు రాజకీయంగా హాట్ టాపిక్గా మారింది. బయటకు కలిసే ఉన్నా, లోపల మాత్రం వార్ నేరుగా జరుగుతోందన్న భావన ప్రజల్లో బలపడుతోంది. ఈ పరిస్థితి ఇలానే కొనసాగితే భవిష్యత్తులో కూటమిపై దాని ప్రభావం ఎలా ఉంటుందో అన్నది ఆసక్తికరంగా మారింది.
Click here to add News18 as your preferred news source on Google. ఆంధ్రప్రదేశ్లోని ముఖ్యమైన వార్తలు, లేటెస్ట్ న్యూస్, స్థానిక వార్తలు, ప్రభుత్వ పథకాలు, ప్రభుత్వ ప్రకటనలు, అన్ని రాజకీయ పార్టీలకు సంబంధించిన స్టోరీలను న్యూస్18 తెలుగు ఆంధ్రప్రదేశ్ కేటగిరీలో చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
East Godavari,Andhra Pradesh
