తూర్పుగోదావరి జిల్లా: వేసవిలో మామిడి పండ్లకు విపరీతమైన డిమాండ్ ఉన్నప్పటికీ, మార్కెట్లో రుచి సరిగా లేకపోవడం గమనార్హం. అయితే, తూర్పుగోదావరి జిల్లాలో చెట్టుపై పండిన మామిడి పండ్లను కోసి, చెక్క బల్లలపై పేర్చి అమ్ముతున్నారు. అన్నవరం వీర వెంకట సత్యనారాయణ స్వామి ఆలయానికి వెళ్లే జాతీయ రహదారిపై ఈ ప్రత్యేక దృశ్యం కనిపిస్తోంది.
ఈ సంవత్సరం వర్షాల కారణంగా మామిడి దిగుబడి తగ్గింది. అయినప్పటికీ, రహదారి వెంట అనేక రకాల మామిడి పండ్లు లభిస్తున్నాయి. వాహనదారులు, బాటసారులకు ఈ మామిడి పండ్ల సువాసన కనువిందు చేస్తోంది. రాజమండ్రి నుండి విశాఖపట్నం వెళ్లే జాతీయ రహదారిపై అన్నవరం సమీపంలో మామిడి తోటలు వరుసగా ఉన్నాయి.
తోటల యజమానులే స్వయంగా మామిడి పండ్లను విక్రయిస్తున్నారు. ఇక్కడ ఒక కిలో మామిడి పండ్లు 500 రూపాయలకు అమ్ముతున్నారు. బంగినపల్లి, కొత్తపల్లి కొబ్బరి, రసాలు, సువర్ణరేఖ వంటి రకాలు ప్రత్యేక ఆకర్షణగా నిలుస్తున్నాయి. మామిడి పండ్ల ప్రియులు ఈ పండ్లను కొనుగోలు చేయకుండా ఉండలేకపోతున్నారు. ప్రకృతి ఒడిలో ఈ అనుభూతి ఒక తెలియని ఆనందాన్ని ఇస్తుందని వాహనదారులు చెబుతున్నారు.
