AP Tourism: పర్యాటకులకు అదిరిపోయే గుడ్ న్యూస్.. వైజాగ్ వెళ్తున్నారా.. అయితే ఇకపై రాపిడో డ్రైవరే మీ టూరిస్ట్ గైడ్! | విశాఖపట్నం వార్తలు (Visakhapatnam News)

విశాఖ వచ్చే పర్యాటకులకు టూరిస్ట్ గైడ్లు త్వరలో అందుబాటులోకి రానున్నారు. పర్యాటకులు తమకు నచ్చిన ప్రాంతాలకు ఈ డ్రైవర్ కం గైడ్ తీసుకువెళ్లి ఆ ప్రదేశం చరిత్ర వివరిస్తారు. రాష్ట్ర పర్యాటక సంస్థ , రాపిడో సంయుక్తంగా ఆంధ్రప్రదేశ్ రాష్ట్ర ప్రభుత్వంతో ఒప్పందం చేసుకుంది. డ్రైవర్ కం గైడ్ కార్యక్రమం విశాఖపట్నంలో ఘనంగా ప్రారంభించారు. దీనికోసం రాపిడో లో నైపుణ్యం కలిగిన 350 మంది డ్రైవర్లను ఎంపిక చేసి వారికి శిక్షణ కార్యక్రమాలు నిర్వహించారు. కారు, ఆటో డ్రైవర్లను ప్రత్యేకంగా ఎంపిక చేసి వారికి శిక్షణ ఇస్తున్నారు. రాష్ట్రంలో తొలిసారిగా విజయవాడలో ఈ శిక్షణ కార్యక్రమం నిర్వహించారు. అనంతరం ఈ పైలట్ ప్రాజెక్ట్, విశాఖలో కూడా ప్రారంభించారు తర్వాత తిరుపతిలో ప్రారంభిస్తామని తెలిపారు.

రాపిడో యాప్‌లో టూరిస్ట్ గైడ్ మరొక ఐకాన్ అందుబాటులోకి వస్తుంది. ఈ యాప్‌లో ఐకాన్ అందుబాటులోకి వచ్చిన తర్వాత పర్యాటకులు తాము చూడవలసిన ప్రాంతాన్ని ఎంచుకుంటే వాటి వివరాలు ఎంత ప్యాకేజీ రేటు కనిపిస్తుందని తెలిపారు. యాప్ అందుబాటులోకి వచ్చిన తర్వాత పర్యాటకులతో ఎలా ఉండాలి అని ప్రత్యేక శిక్షణ కార్యక్రమాలు నిర్వహిస్తున్నారు. విశాఖపట్నం వచ్చిన తర్వాత పర్యాటక ప్రాంతాలు గురించి తెలియకపోయినా ఈ గైడ్లు తీసుకెళ్లి చూపించి తమ గమ్య స్థానంలో దించుతారని అంటున్నారు.