ఇంజినీరింగ్ జాబ్స్ కోసం ఎదురుచూస్తున్న వారికి గుడ్ న్యూస్.. టీటీడీ పరీక్షల షెడ్యూల్ విడుదల |

అభ్యర్థుల సౌకర్యాన్ని దృష్టిలో ఉంచుకుని పరీక్షలను రెండు రోజుల పాటు వివిధ షిఫ్టులలో నిర్వహించనున్నారు. పరీక్షల షెడ్యూల్ ప్రకారం మే 10వ తేదీన ఉదయం 9.00 గంటల నుండి మధ్యాహ్నం 12.00 గంటల వరకు AEE (సివిల్) పరీక్ష జరుగుతుంది. అదే రోజు మధ్యాహ్నం 2.00 గంటల నుండి సాయంత్రం 5.00 గంటల వరకు AEE (ఎలక్ట్రికల్) పరీక్ష నిర్వహించబడుతుంది. ఇక మే 11వ తేదీన ఉదయం 9.00 గంటల నుండి మధ్యాహ్నం 12.00 గంటల వరకు AE (సివిల్) పరీక్ష, మధ్యాహ్నం 2.00 గంటల నుండి సాయంత్రం 5.00 గంటల వరకు ATO (సివిల్) పరీక్షలు జరుగుతాయి.

ఇక పరీక్షా కేంద్రాల ఎంపికకు సంబంధించిన ప్రక్రియ కూడా ఇప్పటికే ప్రారంభమైంది. దరఖాస్తు చేసుకున్న అభ్యర్థులు ఏప్రిల్ 24 నుండి ఏప్రిల్ 29 సాయంత్రం 6.00 గంటల వరకు తమకు అనుకూలమైన పరీక్షా కేంద్రాలను ఆన్‌లైన్‌లో ఎంపిక చేసుకోవాలని టీటీడీ సూచించింది. అభ్యర్థులు మే 2వ తేదీ నుండి హాల్ టికెట్లను డౌన్‌లోడ్ చేసుకోవచ్చని తెలిపిన అధికారులు, పరీక్షకు హాజరయ్యే ముందు తమ షిఫ్ట్ వివరాలను పూర్తిగా పరిశీలించి కాండిడేట్ కన్ఫర్మేషన్ ప్రక్రియను తప్పనిసరిగా పూర్తి చేయాలని స్పష్టం చేశారు.

హాల్ టికెట్లు, పరీక్షా కేంద్రాలు మరియు ఇతర కీలక వివరాల కోసం అభ్యర్థులు టీటీడీ అధికారిక వెబ్‌సైట్‌ను సందర్శించాలని సూచించారు. ఇందుకు సంబంధించిన పూర్తి సమాచారం https://ttd-recruitment.aptonline.in/TTDRecruitment/Views/Dashboard.aspx⁠ లింక్‌లో అందుబాటులో ఉంటుందని తెలిపారు. అదనపు సమాచారం కోసం 155257 కాల్ సెంటర్ నంబర్‌ను సంప్రదించవచ్చని అధికారులు వెల్లడించారు. ఈ పరీక్షలు వేలాది మంది ఇంజినీరింగ్ అభ్యర్థుల భవిష్యత్తును నిర్ణయించబోతుండటంతో రాష్ట్రవ్యాప్తంగా భారీగా ఆసక్తి నెలకొంది.