Vizag: యాపిల్ మనసు గెలిచిన విశాఖ కెరటం.. ప్రపంచ వేదికపై భారతీయుడి గర్జన! | ఆంధ్రప్రదేశ్ వార్తలు

ఈ యాప్ తయారీ వెనుక ఒక బాధాకరమైన నేపథ్యం ఉంది. తన స్నేహితుడు ఒకరు పోటీ పరీక్షల ఒత్తిడి తట్టుకోలేక ఆత్మహత్యకు యత్నించిన ఘటన మానస్‌ను తీవ్రంగా కలచివేసింది. ఆ సమయంలోనే విద్యార్థులకు ఒత్తిడి లేని చదువును అందించాలనే లక్ష్యంతో, తాను చిన్నతనంలో అమెరికాలో చదువుకున్నప్పుడు చూసిన విద్యా విధానాన్ని స్ఫూర్తిగా తీసుకుని ఈ ఆవిష్కరణకు శ్రీకారం చుట్టాడు.

ఫేషియల్ ట్రాకింగ్: విద్యార్థి చదువుకుంటున్నప్పుడు వారి ముఖ కదలికలను ఈ యాప్ గమనిస్తుంది.

మానసిక స్థితి గుర్తింపు: విద్యార్థి పాఠం వినేటప్పుడు అయోమయంగా ఉన్నారా లేదా ఆసక్తిగా ఉన్నారా అనేది ఏఐ ద్వారా గుర్తిస్తుంది.

స్నేహపూర్వక బోధన: విద్యార్థి స్థితిని బట్టి, వారి అభిరుచులకు అనుగుణంగా స్థానిక భాషలో చాలా సులభంగా పాఠాలను బోధిస్తుంది.

సమ్మిళిత విద్య: ఈ యాప్ ఇంటర్నెట్ లేకపోయినా పనిచేస్తుంది. అంతేకాకుండా, వినికిడి మరియు దృష్టి లోపం ఉన్న విద్యార్థులకు కూడా ఎంతో సౌకర్యవంతంగా ఉండేలా దీనిని డిజైన్ చేశాడు.

విశాఖపట్నంలోని సాగర్ నగర్ ప్రాంతానికి చెందిన మానస్ సాధించిన ఈ విజయం తెలుగు రాష్ట్రాలకే కాకుండా యావత్ భారతదేశానికే గర్వకారణం. టెక్నాలజీని కేవలం వినోదం కోసం కాకుండా, విద్యార్థుల జీవితాల్లో మార్పు తెచ్చేలా ఉపయోగించిన మానస్‌ను విద్యావేత్తలు, సాంకేతిక నిపుణులు కొనియాడుతున్నారు. అమెరికా వేదికపై యాపిల్ సీఈవోతో జరిగే భేటీలో మానస్ మల్ల మరిన్ని అద్భుతమైన ఐడియాలతో మన దేశ కీర్తిని చాటాలని ఆశిద్దాం.