Special Buses: ఇప్పుడు ఆ పుణ్యక్షేత్రం నుండి హైదరాబాద్‌కి డైరెక్ట్ ఆర్టీసీ బస్.. ఛార్జీ, టైమింగ్స్ ఇవే | బిజినెస్

ప్రతిరోజు భాగ్యనగరమైన హైదరాబాద్ ప్రాంతానికి వెళ్లేందుకు అనేకమంది రైళ్లు, బస్సులు ద్వారా ప్రయాణాలు చేస్తూ ఉంటారు.అయితే రైలుకు టికెట్లు దొరకక తత్కాల్లో రెట్టింపు డబ్బులు పెట్టి మరి ప్రయాణాలు చేస్తారు. అంతకుమించి ప్రైవేటు ట్రావెల్స్ అయితే రోజుకు ఒక రేటు ఉంటుందని చెప్పుకోవచ్చు. ప్రస్తుతం అన్ సీజన్ కాస్త రేట్లు సాధారణంగా ఉన్న ,ఏమాత్రం విశేషమైన రోజులు వచ్చాయా అమాంతం వాటి రేటు రెండింతలు పెరుగుతుందని చెప్పుకోవచ్చు. ఇలాంటి తరుణంలో ప్రతిరోజు ఒకే రేటు ఉండే విధంగా గ్రామీణ ప్రాంతాల మీదగా ఆర్టీసీ బస్సు హైదరాబాద్ బిహెచ్ఇఎల్ కు చేరుకుంటుందని ఆర్టీసీ తుని అన్నవరం  డిపో మేనేజర్ రమణ తెలియజేశారు.

ప్రతిరోజు సాయంత్రం ఏడు గంటలకు తుని అన్నవరం ప్రాంతాల్లో ఈ బస్సు ప్రారంభమై జగ్గంపేట ,రాజమండ్రి మీదగా ఈ బస్సు ప్రయాణం కొనసాగుతుందన్నారు .అనంతరం మరసటి రోజు ఉదయం హైదరాబాద్ బీహెచ్ఈఎల్ సెంటర్ కు చేరుకుంటుందన్నారు, ఈ బస్సు ప్రయాణపు ధర ఒక్కొక్కరికి రూ. 940 గా తెలియజేశారు, సూపర్ లగ్జరీ బస్సు గా డిపో మేనేజర్ స్పష్టం చేశారు. అదే విధంగా ఇదే బస్సు హైదరాబాద్ బిహెచ్ఇఎల్ ప్రాంతం నుంచి ప్రతి రోజు గోదావరి జిల్లాల ప్రాంతానికి ఈ బస్సు అందుబాటులో ఉంటుందని స్పష్టం చేశారు. అయితే వచ్చేటప్పుడు దీని ధర 980గా తెలిపారు.

ఏది ఏమైనా సుఖవంతమైన ఆర్టీసీ బస్సు సేవలను ప్రజలు వినియోగించుకోవాలని డిపో మేనేజర్ రమణ తెలిపారు. ఆన్లైన్ ద్వారా టికెట్ ముందుగా బుక్ చేసుకోవాలి అనుకుంటే ఏపీఎస్ఆర్టీసీ ఆన్లైన్ టికెట్స్ ముందుగా బుక్ చేసుకోవచ్చని, అలా కాదంటే ఏడు గంటలకు తుని ఆర్టీసీ కాంప్లెక్స్, ఏడున్నరకు అన్నవరం, తదుపరి 9 గంటలకు మిగతా బస్ కాంప్లెక్స్ ప్రాంతాల్లో ఈ బస్సు అందుబాటులో ఉంటుందని డిపో మేనేజర్ రమణ తెలిపారు. ఈరోజు ఆ రోజున కాకుండా ప్రతిరోజు బస్సు అందుబాటులో ఉంటుందని, ఎలాంటి రోజులైనా ఒకే ధర ఆర్టీసీ మెయింటైన్ చేస్తుందంటూ డిపో మేనేజర్ పేర్కొన్నారు.