Shocking Snake: చేప కాదు పైథాన్.. మత్స్యకారుల వలకు చిక్కిన భారీ సర్పం |

ఆంధ్రప్రదేశ్ కు సంబంధించి ఉమ్మడి తూర్పు గోదావరి జిల్లాల్లో విష సర్పాల భయం రోజురోజుకు పెరిగిపోతుంది. ఈ జిల్లాలో అధిక ప్రాంతం అటవీ ప్రాంతంగా ఉంది. అంబేద్కర్ కోనసీమ జిల్లాతో పాటు రంపచోడవరం డివిజన్ అంత పెద్దఎత్తున అటవీ ప్రాంతం విస్తరించి ఉంది. ఓవైపు వేసవి తాపం పెరగడంతో అడవిలో చెట్ల మధ్యలో ఉండాల్సిన పాములు జనావాస ప్రాంతాల్లోకి వస్తున్నాయి. ఇలాంటి సంఘటనలు ఈమధ్య కాలంలో అనేకం చూశాం. తాజాగా భారీ కొండచిలువ గోదావరిలో ప్రవేశించింది. గత రెండు రోజుల కింద వర్షాలు పడిన నేపథ్యంలో చేపలు వలలకు చిక్కే అవకాశం ఉందని అంబేద్కర్ కోనసీమ జిల్లా ముమ్మిడివరం తానే లంక ప్రాంతంలో మత్స్యకారులు చేపలు పట్టేందుకు గోదావరిలోకి వెళ్లారు. ఇలాంటి తరుణంలో వారి వరకు భారీ బరువు గల ఈ కొండచిలువ చిక్కింది.

మత్స్యకారులు వలలో చిక్కింది చేప అనుకున్నారు. దాన్ని పడవలోకి ఎక్కిస్తుండగా కదలడంతో కొండచిలువుగా గుర్తించారు. భయంతో వలను వదిలేయలేక, పడవలోకి లాగి అక్కడ నుంచి నేరుగా ఒడ్డుకు వచ్చేసారు మత్స్యకారులు. ఏమాత్రం బయటకు తీసిన వారిపై విరుచుకుపడుతుందని భయంతో అధికారులకు తెలియజేశారు. దీంతో స్థానిక ఎస్సై విద్యాసాగర్ రావు స్థానికుల సహాయంతో ఆ భారీ కొండ చిలువను వలలోంచి బయటకు తీశారు .నిజానికి ఆ కొండ చెరువు సైతం ప్రాణాపాయ స్థితిలో ఉన్నట్లు గుర్తించారు. అనంతరం గోనెలో వేసి అటవీశాఖ అధికారుల ద్వారా దట్టమైన అడవిలోకి వదిలేసే ఏర్పాట్లు చేసినట్లు పోలీసులు తెలియజేశారు. ఏది ఏమైనా మత్స్యకారులు వలలో చిక్కిన కొండచిలువ విషయం గ్రామమంతా తెలియడంతో పెద్ద ఎత్తున చూసేందుకు ఆ ప్రాంతానికి ప్రజలు చేరుకున్నారు.ప్రస్తుతం ఎండల నేపథ్యంలో విశసర్పాల పట్ల జాగ్రత్త వహించాలని అధికారులు చెబుతున్నారు.