Pawan Kalyan: పవన్ కళ్యాణ్‌కు జరిగిన ఆపరేషన్ ఏంటి..? వైద్యులు ఏమన్నారు..? pawan kalyan health stable will meet fans within a week | ఈస్ట్ గోదావరి వార్తలు (East Godavari News)

ఈ నేపథ్యంలో ఆయన సోదరుడు, ప్రముఖ నటుడు Chiranjeevi స్వయంగా స్పందిస్తూ అభిమానులకు ఊరటనిచ్చారు. పవన్ కళ్యాణ్ ఆరోగ్యం ప్రస్తుతం స్థిరంగా ఉందని, త్వరలోనే కోలుకుని సాధారణ జీవితంలోకి వస్తారని తెలిపారు. వారం రోజుల్లోనే నవ్వుతూ ప్రజల ముందుకు వస్తారని ఆయన ట్వీట్ చేయడంతో అభిమానుల్లో కొంత ఊరట కనిపిస్తోంది.

నిత్యం ప్రజల్లో ఉంటూ, పార్టీ కార్యక్రమాల్లో చురుకుగా పాల్గొనే పవన్ కళ్యాణ్ ఒక్కసారిగా ఆసుపత్రిలో చేరడం అభిమానులను కలవరపెట్టింది. అయితే ఆయన త్వరగా కోలుకోవాలని రాష్ట్రవ్యాప్తంగా ప్రార్థనలు వెల్లువెత్తుతున్నాయి. ఆయన గెలుపొందిన పిఠాపురం నియోజకవర్గంలో ప్రత్యేక పూజలు, హోమాలు నిర్వహిస్తూ అభిమానులు తమ అభిమాన నాయకుడి ఆరోగ్యం కోసం ప్రార్థిస్తున్నారు.

పిఠాపురంలోని ప్రసిద్ధ Kukkuteswara Swamy Templeలో జనసేన నేతలు, కార్యకర్తలు ప్రత్యేక పూజలు నిర్వహించారు. అలాగే గోదావరి జిల్లాలోని Balabalaji Swamy Templeలో కూడా హోమాలు నిర్వహించి పవన్ కళ్యాణ్ త్వరగా కోలుకోవాలని ప్రార్థించారు. అదేవిధంగా ఆయనకు ఎంతో ఇష్టమైన ఆంజనేయ స్వామి ఆలయాల్లో కూడా రాష్ట్రవ్యాప్తంగా ప్రత్యేక ప్రార్థనలు కొనసాగుతున్నాయి.

ఇక ఆయనకు జరిగిన ఆపరేషన్ ఏమిటన్న విషయంపై మాత్రం స్పష్టత రాకపోవడం అభిమానుల్లో ఆసక్తిని మరింత పెంచుతోంది. ఇటీవల ఆయన రూపంలో వచ్చిన మార్పులు.. తల వెంట్రుకలు, గడ్డం పెంచుకోవడం వంటి విషయాలు కూడా చర్చనీయాంశంగా మారాయి. అయితే అధికారికంగా ఆపరేషన్‌కు సంబంధించిన పూర్తి వివరాలు బయటకు రాలేదు.

ప్రస్తుతం పవన్ కళ్యాణ్ ఆరోగ్యం నిలకడగా ఉండటంతో అభిమానులు కాస్త ఊపిరి పీల్చుకుంటున్నారు. మా పవనన్న బాగుంటే చాలు అంటూ సోషల్ మీడియాలో అభిమానులు భావోద్వేగ పోస్టులు పెడుతున్నారు. త్వరలోనే పూర్తిగా కోలుకుని తిరిగి ప్రజల్లోకి రావాలని అందరూ ఆశిస్తున్నారు.