Medical Shops Bandh: దేశ వ్యాప్తంగా రేపు మందుల షాపులు బంద్.. కారణం ఏంటో తెలుసా..? | బిజినెస్

ఆంధ్రప్రదేశ్ , తెలంగాణనే కాకుండా దేశవ్యాప్తంగా ఈనెల 20వ తేదీ బుధవారం ఫార్మసీ దుకాణాలు మూతపడనున్నాయి. ప్రధానంగా ఆన్లైన్ మార్కెట్లో మందులు అమ్మకాలు నిరసిస్తూ యూనియన్ ఈ నిర్ణయం తీసుకున్నట్లుగా స్పష్టం అవుతుంది. కరోనా విపత్కర పరిస్థితిలో నేపథ్యంలో ఆన్‌లైన్‌కు ప్రభుత్వం వెసులుబాటు కల్పించిందని, నాటి పరిస్థితిని ఆసరాగా తీసుకుని నేటి వరకు ఇస్టా రాజ్యమైన ఆఫర్లు ఇస్తూ, అంతకుమించి డూప్లికేట్ మెడిసిన్స్ ఆన్లైన్లో ప్రజలకు అందిస్తున్నారంటూ మెడికల్ దుకాణదారులు వాపోతున్నారు. దీంతో గోదావరి జిల్లాలకు సంబంధించి కాకినాడ జిల్లా వ్యాప్తంగా ఈ మందులు దుకాణాలు 20వ తేదీన తెరవబడవని జిల్లా ప్రతినిధులు తెలియజేశారు. అయితే ప్రజలు అత్యవసరం నేపథ్యంలో కొన్ని మందులు దుకాణాలు అందుబాటులో ఉన్నాయంటూ ఆ మందులు దుకాణాల వివరాల సైతం తెలియజేశారు.

ఆన్లైన్ ద్వారా మందులు ప్రజలు పెద్ద ఎత్తున కొనుగోలు చేయడంతో వీరి వ్యాపారాలు పడిపోతున్నాయి అనే విధంగా మీరు ముందుకు వెళ్తున్నారా ? లేక ప్రజలకు నిజంగా డూప్లికేట్ మెడిసిన్ అందడం ద్వారా అన్యాయం జరుగుతుంది అన్న విషయంపై ముందుకు వెళ్తున్నారా? అన్నది ప్రశ్నార్థకంగా మారింది. నిజానికి దుకాణంలో కొన్ని మందులు కన్నా ఆన్లైన్లో కొనే మందులు చవకగా వస్తున్నాయి అంటూ ప్రజలు పేర్కొంటున్నారు, ఇలాంటి తరుణంలో అవి ఒరిజినల్ మందులు కాదు అని వ్యాపారులు పేర్కొనడంతో చర్చ జరుగుతుంది . ఏది ఏమైనా ఇలాంటి సమస్యలపై ఈ నెల 20వ తేదీ బుధవారం అన్ని మందుల దుకాణాలు మూతపన్నున్నాయని చెప్పుకోవచ్చు. అత్యవసరమైతే కచ్చితంగా ముందు రోజు అంటే నేడు కచ్చితంగా మందులు తీసుకుని ఇంట్లో పెట్టుకోవడం మంచిదని చెప్పుకోవచ్చు.