Ammavari Coin Saree: నాణెలతో అమ్మవారి అలంకరణ.. వైశాఖమాసంలో ఆ టెంపుల్‌లో మాత్రమే |

ఆధ్యాత్మికానికి పెట్టింది పేరైన గోదావరిజిల్లాలో విభిన్న సంస్కృతులు ఉంటాయని చెప్పుకోవచ్చు. ఏది ఏమైనా భగవత్ ఆరాధన అంటే అత్యధికంగా గోదావరి జిల్లా ప్రజలు భక్తిశ్రద్ధలతో నిర్వహిస్తూ ఉంటారు. దీంతో వైశాఖమాసం సందర్భంగా డాక్టర్ బి. ఆర్ అంబేద్కర్ కోనసీమ జిల్లా, కొత్తపేట నియోజకవర్గం, ఆలమూరు మండలం చింతలూరు గ్రామంలో గల శ్రీ నూకాంబిక అమ్మవారి దర్శనం విశేష భరితంగా జరుగుతుంది, అంటే అమ్మవారి రూపమంతా నాణెములతో అందంగా అలంకరించి భక్తులకు దర్శన భాగ్యం కల్పించారు. ప్రతియటా వైశాఖమాసంలో ఈ విధంగా ధన రూపంలో అమ్మవారిని అలంకరించి భక్తులకు దర్శన భాగ్యం కల్పిస్తామని, ఆలయ నిర్వాహకులు తెలియజేశారు.

ఇలా ధన రూపంలో అమ్మవారి దర్శనం చేసుకున్న భక్తులకు సైతం అమ్మవారు సిరులు కురిపిస్తారని విశ్వాసంతో చెబుతున్నారు. దీంతో 18, వేల నాణేలతో అమ్మవారి అలంకరణ ఈ ఏడాది చేయడం జరిగిందని ఆలయ నిర్వాహకులు తెలియజేశారు నేటి నుంచి అనగా మే 16వ తేదీ అమావాస్య వరకు ఈ నాణేల రూపంలో అమ్మవారు దర్శనమిస్తారని ఆలయ నిర్వాహకులు తెలిపారు, ముఖ్యంగా నాణాలతో బుట్ట చేరకట్టిన మాదిరిగా ఈ ఏడాది అందంగా శ్రీ నూకాలమ్మ తల్లి అమ్మవారిని తీర్చిదిద్దారు, చూడడానికి రెండు కళ్ళు సరిపోవు అనే విధంగా అమ్మవారి దర్శనమిస్తున్నారు. దీంతో భక్తులు ఆలయానికి చేరుకుని అమ్మవారిని దర్శించుకుంటున్నారు ప్రతియేటా ఈ విధంగానే నిర్వహిస్తామని ఆలయ నిర్వాహకులు తెలియజేశారు.