గర్భిణీలకు సంజీవనిలా ఆ PES హాస్పిటల్.. హై రిస్క్ కేసుల్లోనూ నార్మల్ డెలివరీలే లక్ష్యం! kuppam pes hospital address for normal deliveries | చిత్తూరు వార్తలు (Chittoor News)

ప్రత్యేకంగా ప్రసూతి సేవల విషయంలో ఈ హాస్పిటల్ పేరు మరింత ప్రాచుర్యం పొందింది. మహిళలకు గుర్తొచ్చే మొదటి ఆసుపత్రిగా నిలిచిన పి.ఇ.ఎస్., నార్మల్ డెలివరీలలో దిట్టగా పేరు సంపాదించింది. ఇక్కడ ప్రసూతి వార్డు హెచ్.ఓ.డి.గా పనిచేస్తున్న డాక్టర్ ప్రదీప్ గత 17 సంవత్సరాలుగా సేవలందిస్తూ వార్డుకు మంచి గుర్తింపు తీసుకొచ్చారు. ఆయన ఆధ్వర్యంలో హై రిస్క్ కేసులు వచ్చినా సాధ్యమైనంత వరకు నార్మల్ డెలివరీ చేయడానికి వైద్య బృందం కృషి చేస్తోంది.

రోజుకు 200 మందికి పైగా గర్భిణీలు ఓపికి రావడం, నెలకు సుమారు 376 వరకు నార్మల్ డెలివరీలు నిర్వహించడం ఈ ఆసుపత్రి సామర్థ్యానికి నిదర్శనం. తెల్ల రేషన్ కార్డ్ కలిగిన వారికి తక్కువ ఖర్చుతోనే డెలివరీ సౌకర్యం అందిస్తున్నారు. నార్మల్ డెలివరీ ప్యాకేజీ సుమారు 17 వేల రూపాయలు కాగా, సిజేరియన్ డెలివరీ 35 వేల వరకు అందుబాటులో ఉంది.

ఇక్కడ మరో ప్రత్యేకత ఏమిటంటే.. బిడ్డ పుట్టిన తర్వాత తల్లి, శిశువు వెళ్లే సమయంలో వారి ఫోటో, బిడ్డ జన్మించిన సమయం, తేదీ వివరాలతో పాటు, శిశువుకు తొలి బట్టలు కూడా ఆసుపత్రి నుంచే అందిస్తున్నారు. ఈ సేవలు గర్భిణీలకు మరింత నమ్మకాన్ని కలిగిస్తున్నాయి.

అదేవిధంగా, ఎక్కువ మంది గర్భిణీలు అనిమియా సమస్యతో బాధపడుతున్నారని, ఇది పౌష్టికాహార లోపం వల్లే వస్తుందని డాక్టర్ ప్రదీప్ తెలిపారు. అందుకే గర్భిణీలు పోషకాహారం తీసుకోవడం చాలా అవసరమని సూచించారు. ప్రత్యేక సౌకర్యాలతో గదులు, అనుభవజ్ఞులైన వైద్యులు అందుబాటులో ఉన్న ఈ హాస్పిటల్ సేవలను గర్భిణీలు పూర్తి స్థాయిలో వినియోగించుకోవాలని ఆయన కోరారు. మరిన్ని వివరాల కోసం 9573032111, 9493032111 నంబర్లను సంప్రదించవచ్చని ఆసుపత్రి నిర్వాహకులు తెలిపారు.