సాధారణ కంప్యూటర్ కోర్సులకు భిన్నంగా, రాబోయే రోజుల్లో ప్రపంచాన్ని ఏలబోయే టెక్నాలజీలపై విద్యార్థులకు శిక్షణ ఇవ్వడమే ఈ ప్రోగ్రామ్ ముఖ్య ఉద్దేశ్యం. IBM SkillsBuild, ఏపీ ఉన్నత విద్యామండలి (APSCHE), APSSDC మరియు అమరావతి క్వాంటమ్ వ్యాలీ సంయుక్తంగా ఈ శిక్షణను అందిస్తాయి.
ఆర్టిఫిషియల్ ఇంటెలిజెన్స్ (AI): రోబోటిక్స్ మరియు స్మార్ట్ సాఫ్ట్వేర్ తయారీ.
క్వాంటమ్ టెక్నాలజీస్: సూపర్ ఫాస్ట్ కంప్యూటింగ్.
సైబర్ సెక్యూరిటీ: ఆన్లైన్ డేటాను రక్షించే నైపుణ్యాలు.
డేటా అనలిటిక్స్: సమాచారాన్ని విశ్లేషించి నిర్ణయాలు తీసుకోవడం.
ఎంటర్ప్రెన్యూర్షిప్: సొంతంగా స్టార్టప్లు పెట్టేలా శిక్షణ.
ఈ పథకం ముఖ్య ఉద్దేశ్యం కేవలం డిగ్రీలు, సర్టిఫికెట్లు ఇవ్వడం కాదు.. విద్యార్థులను ఉద్యోగాలను సృష్టించే స్థాయికి తీసుకెళ్లడం. రాబోయే కాలాన్ని శాసించబోయే అత్యాధునిక టెక్నాలజీలైన ఆర్టిఫిషియల్ ఇంటెలిజెన్స్ (AI), క్వాంటమ్ కంప్యూటింగ్, సైబర్ సెక్యూరిటీ, డేటా అనలిటిక్స్, రోబోటిక్స్, ఎంటర్ప్రెన్యూర్షిప్ వంటి రంగాల్లో విద్యార్థులకు ప్రాక్టికల్ శిక్షణ ఇవ్వనున్నారు. IBM SkillsBuild, APSCHE, APSSDC మరియు అమరావతి క్వాంటమ్ వ్యాలీ వంటి సంస్థల భాగస్వామ్యంతో ఈ కార్యక్రమం మరింత బలంగా అమలు కానుంది.
Further strengthening this ecosystem, the proposed NIELIT Innovation & Skilling Centre at Acharya Nagarjuna University, Guntur, will focus on Quantum Computing, Artificial Intelligence, Quantum Communication, and Semiconductor technologies. The Centre is planned to begin…
— N Chandrababu Naidu (@ncbn) May 11, 2026
ఈ పథకంలో అత్యంత కీలక అంశం 10 లక్షల మంది విద్యార్థులకు ఉచిత శిక్షణ ఇవ్వడమే. ఇది చిన్న లక్ష్యం కాదు.. రాష్ట్రవ్యాప్తంగా గ్రామీణ ప్రాంతాల నుంచి పట్టణాల వరకు ఉన్న ప్రతి విద్యార్థికి ప్రపంచ స్థాయి టెక్నాలజీని అందించే ప్రయత్నం. 2026–27 విద్యా సంవత్సరం ముగిసేలోపు 2 లక్షల మందికి శిక్షణ పూర్తి చేయడం, తదుపరి ఐదేళ్లలో మొత్తం 10 లక్షల మందిని డీప్ టెక్ నిపుణులుగా తీర్చిదిద్దడం లక్ష్యంగా ప్రభుత్వం ప్రణాళిక వేసింది. దీని ద్వారా ఏపీ యువత గ్లోబల్ జాబ్ మార్కెట్లో పోటీ పడే స్థాయికి చేరుకుంటారని అధికారులు భావిస్తున్నారు.
ఇక ఈ ప్రోగ్రామ్లో మరో ముఖ్యమైన అడుగు గుంటూరు జిల్లాలోని నాగార్జున యూనివర్సిటీలో ఏర్పాటు చేస్తున్న NIELIT ఇన్నోవేషన్ & స్కిల్లింగ్ సెంటర్. ఇది కేవలం శిక్షణ కేంద్రం మాత్రమే కాదు.. ఒక రీసెర్చ్ హబ్గా కూడా పనిచేయనుంది. ఇక్కడ క్వాంటమ్ టెక్నాలజీ, సెమీకండక్టర్ డిజైన్, అడ్వాన్స్డ్ కంప్యూటింగ్ వంటి రంగాల్లో విద్యార్థులు ప్రత్యక్షంగా ప్రయోగాలు చేయగలరు. అంతర్జాతీయ ప్రమాణాలతో ల్యాబ్స్ ఏర్పాటు చేయడం ద్వారా విద్యార్థులు రియల్ టైమ్ ప్రాజెక్ట్స్పై పని చేసే అవకాశం పొందుతారు.
ఈ పథకం ద్వారా విద్యార్థులకు ఒక పెద్ద లాభం ఏమిటంటే.. వారు కాలేజీ పూర్తి చేసే లోపే ఇంటర్నేషనల్ సర్టిఫికేషన్లు మరియు ఇండస్ట్రీ-రెడీ స్కిల్స్ పొందగలుగుతారు. సాధారణంగా ఉద్యోగం కోసం కోర్సులు పూర్తయ్యాక అదనపు శిక్షణ తీసుకోవాల్సిన అవసరం ఉంటుంది. కానీ ఇప్పుడు కాలేజీ దశలోనే ఈ శిక్షణ లభించడంతో ఉద్యోగ అవకాశాలు మరింత వేగంగా వస్తాయని నిపుణులు చెబుతున్నారు. మరోవైపు, NPTEL పరీక్షల్లో ఏపీ విద్యార్థులు సాధించిన విజయం కూడా ఈ ప్రణాళికకు బలం చేకూర్చింది. 4 గోల్డ్ మెడల్స్, 14 సిల్వర్ మెడల్స్ సాధించడం రాష్ట్ర విద్యార్థుల ప్రతిభను చూపిస్తోంది. ఈ విజయాలను ప్రస్తావిస్తూ సీఎం చంద్రబాబు, “ఏపీని టెక్నాలజీ రాజధానిగా మార్చే దిశగా ఇది ఒక పెద్ద అడుగు” అని పేర్కొన్నారు.
మొత్తం మీద ఈ డీప్ టెక్ స్కిల్లింగ్ మిషన్ వల్ల ఆంధ్రప్రదేశ్ యువతకు ఉద్యోగాల కోసం వెతకాల్సిన పరిస్థితి కాకుండా, ఉద్యోగాలు సృష్టించే స్థాయి అవకాశాలు అందుబాటులోకి వస్తాయని చెప్పొచ్చు. గ్రామీణ ప్రాంత విద్యార్థులు కూడా గ్లోబల్ కంపెనీల్లో లక్షల రూపాయల ప్యాకేజీలతో ఉద్యోగాలు సాధించే అవకాశం పెరుగుతుంది. ఇది కేవలం విద్యా పథకం మాత్రమే కాదు.. రాష్ట్ర భవిష్యత్తును మార్చే ఒక పెద్ద విజన్గా కనిపిస్తోంది.
