Tirumala Ghee Adulteration Case: కల్తీ నెయ్యి కేసు.. నాటి ఈవో ధర్మారెడ్డే ప్రధాన కారకుడు: ఏకసభ్య కమిషన్ నివేదిక | ఆంధ్రప్రదేశ్ వార్తలు

వైకాపా ప్రభుత్వ హయాంలో నెయ్యి కొనుగోలు ప్రక్రియలో అనేక అక్రమాలు జరిగాయని విశ్రాంత ఐఏఎస్ అధికారి దినేష్ కుమార్‌తో కూడిన ఏకసభ్య కమిషన్ వెల్లడించింది. గతంలో ఉన్న కఠినమైన టెండర్ నిబంధనలను ధర్మారెడ్డి స్వయంగా సడలించారని, ఆ నిర్ణయాల ఫలితంగానే నాణ్యత లేని నెయ్యి సరఫరా చేసే మోసపూరిత సంస్థలు తితిదేలోకి ప్రవేశించాయని నివేదిక పేర్కొంది. సరఫరా సంస్థల అర్హతలు, విశ్వసనీయత మరియు వాటి సామర్థ్యాన్ని పరిశీలించడంలో నాటి యంత్రాంగం పూర్తిగా విఫలమైందని కమిషన్ నిగ్గుతేల్చింది.

కల్తీ నెయ్యి సరఫరా చేస్తున్నట్లు తేలినప్పటికీ, సదరు సంస్థలపై చర్యలు తీసుకోకుండా వాటిని కొనసాగించడంపై కమిషన్ తీవ్ర ఆగ్రహం వ్యక్తం చేసింది. 2022 ఆగస్టులోనే కొన్ని సంస్థలు కల్తీ నెయ్యి సరఫరా చేస్తున్నట్లు తేలినా, వాటిని బ్లాక్‌లిస్ట్‌లో పెట్టకుండా ధర్మారెడ్డి అనుమతించారని నివేదికలో పేర్కొన్నారు. ముఖ్యంగా బీటా సిటోస్టెరాల్ వంటి కీలకమైన నాణ్యత పరీక్షలను తప్పనిసరి చేయకుండా నిబంధనలను ఉల్లంఘించారని, దీనివల్ల కల్తీ నెయ్యి వినియోగాన్ని అరికట్టే అవకాశం లేకుండా పోయిందని వెల్లడించింది.

ఈ కుంభకోణంలో ధర్మారెడ్డితో పాటు అప్పటి ఈవో అనిల్‌కుమార్ సింఘాల్, ఆర్థిక సలహాదారు బాలాజీల ప్రమేయంపై కూడా కమిషన్ ప్రస్తావించింది. టెండర్ నిబంధనల సడలింపు వల్ల తలెత్తే ప్రతికూల ప్రభావాలను అంచనా వేయకుండానే ప్రొక్యూర్మెంట్ విభాగం అధికారులు ఆ ప్రతిపాదనలకు ఆమోదం తెలిపారని నివేదిక వివరించింది. అలాగే నాటి పాలకమండలి చైర్మన్ వైవీ సుబ్బారెడ్డి, నెయ్యి నమూనాల పరీక్షల ఫలితాల గురించి తెలిసినా పట్టించుకోలేదని, బాధ్యతారహితంగా వ్యవహరించారని అధికారులు తమ వాంగ్మూలాల్లో పేర్కొన్నారు.

కల్తీ నెయ్యి సరఫరాకు బాధ్యులైన ఏవీ ధర్మారెడ్డిపై కఠిన క్రమశిక్షణ చర్యలు తీసుకోవాలని కమిషన్ ప్రభుత్వానికి సిఫార్సు చేసింది. భవిష్యత్తులో ఇలాంటి సంఘటనలు పునరావృతం కాకుండా ఉండటానికి కింది సూచనలు చేసింది: