Last Updated:
పల్నాడు జిల్లా మాచర్ల నియోజకవర్గంలో వెలుగు చూసిన ఒక దారుణ ఘటన ఇప్పుడు పోలీసు శాఖకే మచ్చ తెస్తోంది. ఏకాంతంగా గడుపుతున్న ప్రేమికులే లక్ష్యంగా ఒక ఏఎస్సై (ASSI) సాగిస్తున్న బ్లాక్ మెయిల్ దందా బట్టబయలైంది.
Macherla: సమాజంలో అన్యాయం జరిగితే సామాన్యుడు వెళ్లేది పోలీసుల దగ్గరకు. కానీ, ఆ పోలీసులే అక్రమాలకు పాల్పడితే, రక్షించాల్సిన వారే రాబందుల్లా మారితే ఇక సామాన్యుడికి దిక్కెవరు? పల్నాడు జిల్లా మాచర్ల నియోజకవర్గంలో వెలుగు చూసిన ఒక దారుణ ఘటన ఇప్పుడు పోలీసు శాఖకే మచ్చ తెస్తోంది. ఏకాంతంగా గడుపుతున్న ప్రేమికులే లక్ష్యంగా ఒక ఏఎస్సై (ASSI) సాగిస్తున్న బ్లాక్ మెయిల్ దందా బట్టబయలైంది.
ఈనాడు కథనం ప్రకారం.. మాచర్ల నియోజకవర్గ పరిధిలోని పర్యాటక ప్రాంతాలు, నిర్మానుష్య ప్రదేశాలకు వచ్చే ప్రేమికులు, యువ జంటలే ఈ కిలేడీ పోలీస్ టార్గెట్. పర్యాటక ప్రాంతాల్లో సరదాగా గడిపేందుకు వచ్చే కాలేజీ విద్యార్థులు లేదా జంటలను ఒక వ్యూహం ప్రకారం వెంబడించడం ఈయన పని. ఇందుకోసం ఆయన జమ్మలమడకకు చెందిన ఒక ఆటో డ్రైవర్ను తన ఇన్ఫార్మర్గా పెట్టుకున్నాడు. జంటలు సన్నిహితంగా ఉన్న సమయంలో ఆ ఆటో డ్రైవర్ చొరబడి తన ఫోన్లో వీడియోలు తీస్తాడు. సరిగ్గా అదే సమయానికి సదరు ఏఎస్సై ఎంట్రీ ఇచ్చి, “ఏం చేస్తున్నారు? స్టేషన్కు పదండి.. మీ తల్లిదండ్రులకు ఫోన్ చేస్తాం” అంటూ బెదిరింపులకు దిగుతాడు.
అవమానం భరించలేక, పోలీసు కేసు అవుతుందన్న భయంతో ఆ జంటలు బతిమాలడం మొదలుపెట్టగానే తన అసలు స్వరూపాన్ని బయటపెడతాడు ఆ అధికారి. వీడియోలు బయట పెట్టకుండా ఉండాలంటే వేలల్లో నగదు ఇవ్వాలని డిమాండ్ చేస్తాడు. మాచర్లలో ఒక వ్యాపారి ఒక మహిళతో సన్నిహితంగా ఉన్న వీడియో తీసి, వారిని భయపెట్టి విడతల వారీగా భారీ మొత్తంలో నగదు వసూలు చేసినట్లు ఆరోపణలు ఉన్నాయి.
కానీ, ఈ అక్రమాలు కేవలం డబ్బుతోనే ఆగిపోలేదు. నగదు లేని పక్షంలో లేదా మరిన్ని బెదిరింపులకు పాల్పడుతూ యువతులను లొంగదీసుకునేందుకు ప్రయత్నిస్తున్నాడన్న వార్త ఇప్పుడు తీవ్ర సంచలనం సృష్టిస్తోంది. తన కోరిక తీర్చాలంటూ యువతులను మానసికంగా వేధిస్తూ, వారి జీవితాలతో ఆడుకుంటున్న ఈ ‘యూనిఫాం’ దుండగుడి తీరుపై సర్వత్రా నిరసన వ్యక్తమవుతోంది.
ఈ దారుణాలకు సంబంధించిన వీడియోలు, ఆ ఏఎస్సై బాధితులను బెదిరిస్తున్న తీరుకు సంబంధించిన దృశ్యాలు సామాజిక మాధ్యమాల్లో (Social Media) విపరీతంగా చక్కర్లు కొడుతున్నాయి. దీంతో పోలీసు ఉన్నతాధికారులు కూడా ఈ విషయాన్ని సీరియస్గా తీసుకున్నారు. దీనిపై పల్నాడు జిల్లా ఎస్పీ బి.కృష్ణారావు స్పందిస్తూ.. సదరు ఏఎస్సై నిర్వాకంపై తమకు ఫిర్యాదులు అందాయని, ప్రాథమిక సమాచారం మేరకు విచారణకు ఆదేశించామని తెలిపారు. బాధ్యులపై కఠిన చర్యలు తీసుకుంటామని ఆయన హామీ ఇచ్చారు.
అయితే, ఈ దందాలో కేవలం ఆ ఏఎస్సై మాత్రమే కాదు, అదే స్టేషన్లో పనిచేస్తున్న మరికొందరు ఎస్సైలు, కానిస్టేబుళ్లు కూడా భాగస్వాములుగా ఉన్నారనే ఆరోపణలు వినిపిస్తున్నాయి. ప్రజలకు భరోసా ఇవ్వాల్సిన వ్యవస్థే ఇలా ఒక మాఫియాలా మారి జంటలను వేధించడం పోలీసు వ్యవస్థపై నమ్మకాన్ని సడలిస్తోంది.
పర్యాటక ప్రాంతాల్లో భద్రత పెంచాల్సింది పోయి, అక్కడ నిఘా పెట్టి అక్రమ వసూళ్లకు పాల్పడటం ఎంతవరకు సమంజసమని ప్రజలు ప్రశ్నిస్తున్నారు. ఇలాంటి బ్లాక్ మెయిలర్లపై కఠినమైన సెక్షన్ల కింద కేసులు నమోదు చేసి, వారిని సర్వీసు నుండి తొలగించాలని పౌర సమాజం డిమాండ్ చేస్తోంది. యువత కూడా ఇలాంటి వేధింపులకు భయపడకుండా నేరుగా ఉన్నతాధికారులకు ఫిర్యాదు చేయాలని నిపుణులు సూచిస్తున్నారు.
Click here to add News18 as your preferred news source on Google. ఆంధ్రప్రదేశ్లోని ముఖ్యమైన వార్తలు, లేటెస్ట్ న్యూస్, స్థానిక వార్తలు, ప్రభుత్వ పథకాలు, ప్రభుత్వ ప్రకటనలు, అన్ని రాజకీయ పార్టీలకు సంబంధించిన స్టోరీలను న్యూస్18 తెలుగు ఆంధ్రప్రదేశ్ కేటగిరీలో చదవండి. మరిన్ని వార్తల కోసం న్యూస్ 18 తెలుగు ఫాలో అవండి.
Hyderabad,Telangana
