Big Tragedy: అల్లూరి జిల్లాలో విషాదం..! ఒక్క సెల్ఫీ ఒకే కుటుంబానికి చెందిన ముగ్గురు బాలికల ప్రాణాలు తీసింది.. | విశాఖపట్నం వార్తలు (Visakhapatnam News)

మృతులు త్రిష (17), రత్నకుమారి (16), పవిత్ర (16)ను హుకుంపేట మండలం జుంబువలస వాసులుగా స్థానికులు గుర్తించారు. జలపాతం వద్ద బాలికల  అరుపులు వినిపించడం తో స్థానికులు వచ్చేసరికే ముగ్గురు బాలికలు ప్రాణాలు విడిచారు. మరొకరిని వెంటనే హాస్పటల్ కి తీసుకువెళ్ళి ప్రాణాలు కాపాడాడు. పరీక్షలు అంతరం వేసవి సెలవులు కావడంతో సరదాగా గడిపేందుకు రావడం జరిగిందని స్థానికులు అంటున్నారు.

ఒకే కుటుంబానికి చెందిన అన్నదమ్ములు ఆడపిల్లలు కావడంతో గ్రామంలో విషాద ఛాయలు అల్లుకున్నాయి.  ఇటీవలే వీరంతా ఇంటర్మీడియట్ పరీక్షలు రాశారు. వేసవి కావడంతో సరదాగా ఈత కోసం వెళ్లి ఇటువంటి  ప్రమాదంలో చిక్కుకున్నారు. వాటర్‌ఫాల్స్ ప్రాంతాల్లో రాళ్లు జారుడుగా ఉండటం, భద్రతా జాగ్రత్తలు పాటించకపోవడం వల్ల ఇలాంటి ప్రమాదాలు జరుగుతున్నాయని స్థానికులు అంటున్నారు. ఘటన స్థలానికి చేరుకున్న పోలీసులు కేసు నమోదు చేసి దర్యాప్తు చేస్తున్నారు. వేసవి సెలవులు కావడంతో జలపాతాల వద్దకు వెళ్ళినప్పుడు జాగ్రత్తలు వహించాలని ఈ సందర్భంగా తెలిపారు. ప్రతి ఒక్క తల్లిదండ్రులు పిల్లలకు జాగ్రత్తలు చెప్పాలని అన్నారు.