Tribal Welfare: ఏపీలో ఆదర్శ కలెక్టర్.. ఆయన వస్తే గిరిపుత్రులు ఎదురెళ్లి మళ్లీ స్వాగతం పలుకుతారు ఎందుకో తెలుసా | ఈస్ట్ గోదావరి వార్తలు (East Godavari News)

గోదావరి జిల్లాలకు సంబంధించి తూర్పు ఏజెన్సీ రంపచోడవరం పోలవరం జిల్లాకి యువ కలెక్టర్గా దినేష్ కుమార్ సేవలందిస్తున్నారు. ఒక మాటలో చెప్పాలి అంటే కలెక్టర్ హోదాను మరిచిపోయి ఒక శ్రామికుడు మాదిరిగా ఆయన ప్రజలకు సమస్యలు పరిష్కరించడంలో ముందుకు వెళుతుంటారని గిరి పుత్రులు పేర్కొంటున్నారు. తాజాగా ఏప్రిల్ ఒకటవ తేదీ సందర్భంగా రంపచోడవరం నియోజకవర్గం సిరిగిందలపాడు గ్రామంలో పింఛన్ పంపిణీ చేసేందుకు ఆయన చేరుకున్నారు.

పింఛన్ పంపిణీ చేసే క్రమంలోనే ప్రజల కష్టసుఖాలు తెలుసుకుంటూ ముందుకు వెళ్తున్నారు. ఇలాంటి తరుణంలో ఒక వృద్ధురాలు కూర్చున్న పాకలో ఆయన సైతం కింద కూర్చున్నారు, పింఛన్ సమయంకు అందుతుందా ఇలా కష్టసుఖాలు తెలుసుకుంటున్న సమయంలోనే గ్యాస్ సమస్య ఆ వృద్ధురాలు కలెక్టర్ దృష్టికి తీసుకువచ్చారు. రేషన్ కార్డు ఉంది కదమ్మా మరి నీకు గ్యాస్ రావడం లేదా? ఎందుకు రాలేదు? ఏంటి అన్న విషయాలు ఆరా తీయకుండా ఈరోజు సాయంత్రం లోపు అవ్వవద్దకు గ్యాస్ రావాలి, గ్యాస్ ఇచ్చినట్టు ఫోటో తీసి నాకు పెట్టాలి అని కలెక్టర్ అక్కడున్న అధికారులకు ఆదేశాలు ఇచ్చారు.

అంతే ఆ వృద్ధురాలు ఆనందాలకు అవధులు లేవని చెప్పుకోవచ్చు. ఇలా ఒక్క గ్యాస్ అనే కాదు గిరి పుత్రులో ఉన్న సమస్యలు పరిష్కరించడంలో మా కలెక్టర్ బాబు సాటి మరి ఎవరు లేరు అంటూ గిరిపుత్రులు పేర్కొంటూ ఉంటారు. కలెక్టర్ అంటే హుందాగా ఆ డ్రెస్ ఆపై సెక్యూరిటీ కాదు, ఒక సామాన్యుడిగా ఆ జిల్లాలో ఆయన సేవలందించడం పట్ల గిరిపుత్రులు ఆయన దేవుడిగా కొలుస్తున్నారని చెప్పుకోవచ్చు. బహుశా కష్టపడి పైకి వచ్చారు ఏమోగానీ ముందు పేదప్రజల సమస్య అంటే తీర్చిన తర్వాతే మరో పనిలోకి దిగుతారని ఆయన వెనుకున్నవారు పేర్కొంటున్నారు. ఏది ఏమైనా ఇలాంటి ఆదర్శ కలెక్టర్ ను పలువురు ఆదర్శంగా తీసుకోవాల్సిన అవసరం ఎంతైనా ఉందని చెప్పుకోవచ్చు.