Record Temperatures: రికార్డ్ స్థాయిలో ఎండలు.. రోడ్లపై నిప్పుల కురిసినట్లే ఉంది అక్కడ | ఈస్ట్ గోదావరి వార్తలు (East Godavari News)

గోదావరి జిల్లాలో భానుడి ప్రతాపం రోజురోజుకీ పెరిగిపోతుంది. ఉదయం 10 దాటితే రోడ్డుపైకి రావాలంటే ప్రజలు భయపడాల్సిన పరిస్థితి ఏర్పడుతుంది. నిత్యం రద్దీగా ఉండే కాకినాడ ప్రధాన సెంటర్లన్నీ వెలవెలబోతూ కనిపిస్తున్నాయి. దాహాన్ని తట్టుకోలేక ప్రజలు శీతల పానీయాలు దుకాణాల వద్దకు క్యూ కడుతున్నారు. పచ్చని చెట్లకింద కార్మికులు సేద తీరుతున్న పరిస్థితులు కనిపిస్తున్నాయి, ఇక ఏప్రిల్ మొదటి వారంలోనే ప్రభావం అత్యధికంగా కాకినాడ, కోనసీమ, రాజమండ్రి ప్రాంతాలలో చూపించిందని చెప్పుకోవచ్చు. ప్రస్తుతం పదోతరగతి పరీక్షలు ఎండింగ్ వచ్చిన నేపథ్యం మిగిలిన తరగతి విద్యార్థుల వంటిపూట సెలవులు అయినప్పటికీ, మధ్యాహ్నం ఇంటికి వచ్చే సమయంలో సైతం ఈఎండ దాడికి అలమటిస్తున్నారని చెప్పుకోవచ్చు. రోడ్డుపై వచ్చేవారంతా టవల్స్ లేదా మహిళలు చున్నీలు కప్పుకునే ప్రయాణాలు చేస్తున్నారు

గుంటూరు విజయవాడ పరిసర ప్రాంతాల్లో విభిన్న వాతావరణం నెలకొంటుంది, కాస్తే విపరీతమైన ఎండ లేదంటే వాతావరణం మారి చిరుజల్లులు కురుస్తున్న పరిస్థితి నెలకొంది. ఈ వాతావరణంలో ప్రజలకు అనారోగ్య సమస్యలు వచ్చే అవకాశం ఉందని వైద్య నిపుణులు హెచ్చరిస్తున్నారు. ఏదిఏమైనా ఏపీవ్యాప్తంగా బానుడు ప్రతాపం కనిపిస్తుంది. ముఖ్యంగా కొబ్బరి బొండాలు, చల్లని మజ్జిగతో పాటు జూస్లు తాగేందుకు దుకాణాల వద్దకు ప్రజలు చేరుకుంటున్నారు. ముఖ్యంగా నిత్యకార్మికులు రిక్షాకార్మికులు వారికి ఎటువంటి వ్యాపారాలు పనులు లేక పచ్చనిచెట్ల కిందకు వారి వాహనంతో సైతం చేరుకుని సేద తీరుతున్నారు.