Success Story: తక్కువ పెట్టుబడి – ఎక్కువ ఆదాయం.. రెసిన్ ఆర్ట్ వ్యాపారంలో విజయనగరం యువతి మౌనిక సరికొత్త దారి.. |

మౌనిక తయారు చేస్తున్న ఉత్పత్తుల్లో మొబైల్ పౌచ్‌లుపై డిజైనింగ్కీ,చైన్‌లు డిజైనింగ్, నేమ్ బోర్డులు డిజైనింగ్, ఇయర్ రింగ్స్, వెడ్డింగ్ కార్డ్స్, గిఫ్ట్ ఆర్టికల్స్ పైన డిజైన్స్ వంటి అనేక రకాల వస్తువులు ఉన్నాయి. వీటిని పూర్తిగా కస్టమర్ అభిరుచికి అనుగుణంగా కస్టమైజ్ చేసి అందించడం ఈమె ప్రత్యేకత. వినియోగదారులు కోరిన విధంగా పేర్లు, డిజైన్లు, రంగులు జోడించి అందంగా తయారు చేస్తోంది.

ఈ వ్యాపారం కోసం అవసరమైన రా మెటీరియల్‌ను హోల్సేల్‌గా ఆన్‌లైన్ ద్వారా కొనుగోలు చేసుకుంటున్నట్లు మౌనిక తెలిపింది. రెసిన్ అనే లిక్విడ్ కెమికల్‌తో తయారు చేసే ఈ ఉత్పత్తులకు ప్రత్యేక శ్రద్ధ అవసరం ఉండటంతో, ఒక్కో ప్రోడక్ట్ పూర్తవ్వడానికి సుమారు 10 నుండి 15 రోజుల వరకు సమయం పడుతుందని ఆమె తెలిపారు . అయితే బల్క్ ఆర్డర్లను సమర్థంగా నిర్వహిస్తున్నట్లు చెప్పింది. ప్రస్తుతం మౌనిక తన వ్యాపారాన్ని ఇన్‌స్టాగ్రామ్ వేదికగా విస్తరించింది. సోషల్ మీడియా ద్వారా వచ్చిన ఆర్డర్లను స్వీకరించి దేశవ్యాప్తంగా ఎక్కడికైనా డెలివరీ చేస్తోంది. తక్కువ పెట్టుబడితో ప్రారంభించిన ఈ వ్యాపారం, క్రమంగా మంచి ఆదాయ వనరుగా మారిందని ఆమె పేర్కొంది.

ఇంటి పనులతో పాటు ఖాళీ సమయాన్ని సద్వినియోగం చేసుకుంటూ ఈ వ్యాపారాన్ని విజయవంతంగా కొనసాగిస్తున్న మౌనిక, స్వయం ఉపాధి కోరుకునే యువతకు స్ఫూర్తిదాయకంగా నిలుస్తోంది. ముఖ్యంగా మహిళలు ఇంటి వద్ద నుంచే ఇలాంటి సృజనాత్మక పనులు చేయడం ద్వారా ఆర్థికంగా స్వతంత్రత సాధించవచ్చని ఆమె సూచిస్తోంది. స్థానికంగా మాత్రమే కాకుండా దేశవ్యాప్తంగా వినియోగదారులను సంపాదిస్తూ తన ప్రతిభను చాటుతున్న మౌనిక, భవిష్యత్తులో మరింత విస్తరణపై దృష్టి సారించినట్లు తెలిపింది. ఈ విధంగా ఇంటి వద్దే ప్రారంభించిన చిన్న వ్యాపారం, నేడు పెద్ద అవకాశాల దిశగా పయనించడం విశేషం.