Free Bus Scheme: దివ్యాంగులకు అదిరిపోయే వార్త.. ఈ 5 బస్సులతో పాటు ఏసీ బస్సులో ఉచిత ప్రయాణం! | ఈస్ట్ గోదావరి వార్తలు (East Godavari News)

అయితే మహిళా శక్తి దివ్యాంగ శక్తి కి గల తేడా ఏంటి? ఎన్నిరకాల బస్సులు వీరికి ఉచితంగా ఇస్తున్నారు? ఎంత శాతం వికలాంగులకు ఈ బస్సులు ఫ్రీ అన్నది కాకినాడ జిల్లా కలెక్టర్ షాన్ మోహన్ తో పాటు కాకినాడ సిటీ ఎమ్మెల్యే వనమూడి కొండబాబు సైతం వివరించారు. ఒకసారి ఆ వివరాలు క్లుప్తంగా చూద్దాం.

దివ్యాంగ శక్తిపేరుతో రాష్ట్రవ్యాప్తంగా దివ్యాంగులకు ఉచిత బస్సు పథకాన్ని రాష్ట్ర ప్రభుత్వం లాంఛనంగా ప్రారంభించింది. అయితే కాకినాడకు సంబంధించి విధివిధానాల వివరిస్తూ జిల్లాలో కాకినాడ, కాకినాడ రూరల్, పెద్దాపురం, పిఠాపురం, తుని ప్రాంతాలలో ఎమ్మెల్యేలు అధికారులు సంయుక్తంగా ఈ బస్సులను ప్రారంభించారు

ఈ ఆర్టీసీ బస్సులు ఎక్కే దివ్యాంగులు 40 శాతంకు పైగా వైకల్యం కలిగిన వారు మాత్రమే అర్హులుగా చెప్పుకొచ్చారు. వారితో పాటు వచ్చే సహాయకులకు 50% రాయితీ ఇవ్వనున్నట్లు తెలిపారు. వీరికి సంబంధించి పల్లె వెలుగు, ఆల్ట్రా పల్లెవెలుగు, ఎక్స్‌ప్రెస్, సిటీ ఆర్డినరీ, మెట్రో ఎక్స్‌ప్రెస్ ఈ ఐదుబస్సులు పూర్తిగా వీరికి ఉచితంగా స్పష్టం చేశారు..

అదేవిధంగా ఏసీ, డీలక్స్ వంటి బస్సుల్లో ప్రయాణం చేస్తే 50% మాత్రమే వికలాంగులకు రాయితీ కల్పించే విధంగా ప్రభుత్వం చర్యలు తీసుకుంటుందని కాకినాడ జిల్లా కలెక్టర్ షాన్ మోహన్ తెలిపారు. ఏదేమైనా ప్రస్తుతం ఐదు బస్సులు వీరికి పూర్తిగా ఉచితం అని తెలియజేశారు.

ఈ ప్రారంభోత్సవ కార్యక్రమంలో పాల్గొన్న కాకినాడ సిటీ ఎమ్మెల్యే వనమూడి కొండబాబు, పిఠాపురం మాజీ ఎమ్మెల్యే వర్మ, పెద్దాపురం ఎమ్మెల్యే నిమ్మకాయల చినరాజప్ప బస్సులో ప్రయాణికులతో కలిసి ప్రయాణం చేశారు. ఈ సందర్భంగా కూటమి ప్రభుత్వం పేదల సంక్షేమం ఎప్పుడూ కోరుతుందని గతంలో ఎన్నడూ లేనివిధంగా 21 రకాల అంగవైకల్యాలున్న వారందరికీ ఉచితంగా బస్సు ప్రయాణం అందజేస్తుందని స్పష్టం చేశారు. దివ్యాంగుల సంఘం కాకినాడ అధ్యక్షుడు ఆదినారాయణ మాట్లాడుతూ దివ్యాంగులను దృష్టిలో పెట్టుకుని ప్రభుత్వం ఈ రకంగా ఉచిత బస్సు అందించడం ఎంతో ఆనందంగా ఉందంటూ పేర్కొన్నారు.