Srisailam Ugadi Festival 2026: శివయ్యను చూసేందుకు కన్నప్పల పాదయాత్ర.. ఒక్క రోజే లక్ష మంది దర్శనం |

శ్రీశైలంలో ఐదు రోజుల పాటు జరిగే ఉగాది మహోత్సవాలు రెండో రోజుకు చేరుకున్నాయి. నేడు (రెండో రోజు) సాయంత్రం భ్రమరాంబికా దేవి అమ్మవారు మహాదుర్గ అలంకారంలో భక్తులకు దర్శనమివ్వనున్నారు. అనంతరం స్వామి అమ్మవార్లు కైలాస వాహనంపై ఆశీనులై భక్తులకు దర్శనమిస్తారు. రాత్రి వేళ ఆదిదంపతుల గ్రామోత్సవం క్షేత్రపురవీధుల్లో కనులపండువగా జరగనుంది.

కన్నడ భక్తుల రాకతో శ్రీశైలం జనసముద్రాన్ని తలపిస్తోంది. దేవస్థానం ఈవో శ్రీనివాసరావు తెలిపిన వివరాల ప్రకారం.. నిన్న ఒక్కరోజే సుమారు 96,000 మంది కన్నడ భక్తులు స్వామి అమ్మవార్లను దర్శించుకున్నారు. భక్తుల రద్దీని దృష్టిలో ఉంచుకుని ఆలయ అధికారులు వేకువజామున 4:30 గంటల నుండే భక్తులను క్యూలైన్లలోకి అనుమతిస్తున్నారు.

భక్తులందరికీ సంతృప్తికరమైన దర్శనం కల్పించేందుకు ఆలయ యంత్రాంగం ప్రత్యేక చర్యలు చేపట్టింది:

ఉగాది పర్వదినం సందర్భంగా శ్రీశైలం క్షేత్రం ఆధ్యాత్మిక శోభతో విరాజిల్లుతోంది. ముఖ్యంగా కర్ణాటక, మహారాష్ట్రల నుండి వచ్చే భక్తులతో ఆలయ పరిసరాలు, క్యూలైన్లు కిక్కిరిసిపోయాయి. భక్తులకు ఎలాంటి ఇబ్బందులు కలగకుండా దేవస్థానం సిబ్బంది ప్రత్యేక విధుల్లో నిమగ్నమయ్యారు.