LPG Price Hike: గ్యాస్ సిలిండర్ ధరలు మరింత పెరుగుతాయా? కేంద్రం ప్లాన్ ఎలా ఉంది?

ఇప్పుడు మన ఇళ్లలో సిలిండర్ కొంటే.. మన జేబుల్లోంచీ రూ.60లు అదనంగా వెళ్లిపోతున్నాయి. ఇది ఎవరి పాపం? దీనికి ఎవరు బాధ్యులు? ఇరాన్ మన పక్కన లేదు. మనకు దాదాపు 3వేల కిలోమీటర్ల అవతల ఉంది. కానీ మనకు ఇప్పుడు గ్యాస్ సిలిండర్లు దొరకట్లేదు. మనం ఇప్పుడు ఏదైనా హోటల్‌కి వెళ్లి దోసె ఆర్డర్ ఇస్తే.. “సారీ సార్, గ్యాస్ లేదు” అని వినాల్సి వస్తోంది. సిలిండర్లకు ఇలా విపరీతంగా కొరత ఉన్నప్పటికీ.. గుడ్ న్యూస్ ఒకటుంది. పైప్డ్ గ్యాస్ (PNG) మాత్రం బాగానే సప్లై అవుతోంది.

యుద్ధం వల్ల ఎక్కడ చూసినా వంట గ్యాస్ సమస్యలు

ఎల్పీజీ కొరతకు కారణం ఏమిటి?:

ఇండియా మొత్తం ఎల్పీజీ అవసరాల్లో 60% దిగుమతి చేసుకుంటోంది. వీటిలో 85-90శాతం సౌదీ, ఖతార్, యుఏఈ నుంచి హార్మూజ్ జలసంధి గుండా వస్తాయి. యుఎస్-ఇజ్రాయెల్ దాడులతో ఆ మార్గం దాదాపు మూసుకుపోయింది. ఫలితం? కమర్షియల్ సిలిండర్లకు కొరత ఏర్పడింది. హైదరాబాద్‌లో రెస్టారెంట్లు మెనూ కట్ చేస్తున్నాయి, కొన్ని మూసేస్తున్నాయి. “వాణిజ్య సిలిండర్లు 75% తగ్గాయి” అని లోకల్ హోటల్ అసోసియేషన్లు చెప్పాయి. గృహిణులకు డొమెస్టిక్ సిలిండర్లు ఇచ్చేలా ప్రాధాన్యం ఇచ్చారు కాబట్టి ఇంకా భారీ కొరత రాలేదు. కానీ బుకింగ్ ఇంటర్వల్ 25 రోజులకు పెరిగింది.

పైప్డ్ గ్యాస్ (PNG) సంగతేమిటి? బాగానే సప్లై అవుతోందా?:

పైప్డ్ నేచురల్ గ్యాస్ (PNG) కొరత లేదు. కేంద్రం మార్చి 9, 2026న నేచురల్ గ్యాస్ (సప్లై నియంత్రణ) ఆదేశం 2026ను జారీ చేసింది. దీని ద్వారా ఇళ్లకు PNG, CNG, ఎల్పీజీ ఉత్పత్తి చేసే విషయంలో 100శాతం ప్రాధాన్యం ఇచ్చింది. అంటే.. ఇళ్లకు ఇచ్చాకే.. మిగతా అవసరాలకు ఇస్తారు. పారిశ్రామిక గ్యాస్‌ని డైవర్ట్ చేసి.. ఇంటి పైపులకు ఫుల్ సప్లై ఇస్తున్నారు. అందువల్ల పైప్డ్ గ్యాస్ ఉన్నవారు.. కొరత సమస్య లేకుండా.. వంటలు చేసుకుంటున్నారు.

యుద్ధం వల్ల ఎక్కడ చూసినా వంట గ్యాస్ సమస్యలు

హైదరాబాద్‌లో భాగ్యనగర్ గ్యాస్, ఇతర సప్లైయర్లు “పూర్తి సప్లై ఉంది, ఆందోళన అవసరం లేదు” అని చెప్పారు. గేటెడ్ కాలనీలు, హై-రైజ్ అపార్ట్‌మెంట్లలో PNG ఉపయోగించేవారు సేఫ్‌గా ఉన్నారు. వారికి గ్యాస్ దొరకదేమో అనే ఆందోళన లేదు. వారికి సిలిండర్ రీఫిల్ టెన్షన్ లేదు. అంతేకాదు.. వారికి గ్యాస్ ధర కూడా స్థిరంగా ఉంటుంది. సిలిండర్లకు పెరిగినట్లు వారికి గ్యాస్ ధర పెరగలేదు. ఇది ఇరాన్ యుద్ధం సమయంలో వారికి ఎంతో ఉపశమనం కలిగిస్తోంది. పైప్డ్ గ్యాస్ సదుపాయం లేని వారు మాత్రం రకరకాలుగా ఇబ్బందులు పడుతున్నారు.

కేంద్ర ప్రభుత్వం ఎలా ముందుకెళ్తోంది? ప్లాన్ ఏమిటి?

పెట్రోలియం మంత్రిత్వ శాఖ ఎసెన్షియల్ కమాడిటీస్ యాక్ట్‌ని ఉపయోగించి రెఫైనరీలకు ఆదేశాలు ఇచ్చింది. వాటి ప్రకారం..

– డొమెస్టిక్ ఎల్పీజీ ఉత్పత్తి 25శాతం పెంచి, అంతా గృహాలకే ఇవ్వాలి.

– US, నార్వే, కెనడా నుంచి అల్టర్నేటివ్ దిగుమతులు వచ్చేలా చేస్తోంది.

– PNG/CNGకి మొదటి ప్రాధాన్యం ఇస్తోంది.

– ప్రజలు కంగారుగా, ఎక్కువగా బుకింగ్ చేయవద్దనీ, అవసరమైనంతే బుక్ చేసుకోమని కేంద్రం ప్రజలను కోరుతోంది.

యుద్ధం వల్ల ఎక్కడ చూసినా వంట గ్యాస్ సమస్యలు

హైదరాబాద్‌లో తెలంగాణ కాంగ్రెస్ ప్రభుత్వం కూడా కమర్షియల్ ధరలను ఫ్రీజ్ చేయాలనీ, రియల్-టైమ్ డాష్‌బోర్డ్ ఇవ్వాలని కేంద్రానికి లేఖ రాసింది. లాంగ్ టర్మ్‌లో సిటీ గ్యాస్ డిస్ట్రిబ్యూషన్ (CGD) నెట్‌వర్క్ విస్తరణ చేపట్టే ప్లాన్ ఉంది. 2034 నాటికి 12.6 కోట్ల PNG కనెక్షన్లు ఇచ్చేలా టార్గెట్ ఉంది. ఇది సిలిండర్లపై ఆధారపడటాన్ని తగ్గిస్తుంది. ఆంధ్రప్రదేశ్ ప్రభుత్వం కూడా పైప్డ్ గ్యాస్ కనెక్షన్లను పెంచేందుకు ప్లాన్ చేస్తోంది. ప్రజలు కూడా.. PNG కనెక్షన్ తీసుకుంటే.. నెలకు రూ.300 నుంచి రూ.500 దాకా సేవ్ చేసుకునే వీలుంటుంది. ఎందుకంటే.. PNG సప్లైకి ఖర్చులు తక్కువ ఉంటాయి.

గ్యాస్ ధర మళ్లీ పెరుగుతుందా?

గ్యాస్‌కి కొరత నానాటికీ పెరుగుతోంది. కానీ ధరను మళ్లీ పెంచే ఉద్దేశంతో కేంద్రం లేదు. ఇప్పటికే ఇళ్లలో వాడే సిలిండర్‌కి 60 రూపాయలు, కమర్షియల్ సిలిండర్‌కి రూ.115 పెంచడం వల్ల.. మళ్లీ ధరలను పెంచితే.. ప్రజల నుంచి తీవ్ర వ్యతిరేకత రాగలదు. బదులుగా కేంద్రం ఇతర దేశాల నుంచి చమురు, గ్యాస్ సప్లైని పెంచుతోంది. ఐతే.. అక్కడి నుంచి నౌకలు భారత్ వచ్చేందుకు కొన్ని రోజులు పట్టొచ్చు. ఆ లోపు ఇబ్బంది రాకుండా.. దేశీయంగా ఉత్పత్తిని పెంచేలా ప్లాన్ చేసింది. అందువల్ల వంటగ్యాస్ ధరలు మళ్లీ ఇప్పుడే పెరిగే అవకాశం లేదు. ఇరాన్ యుద్ధం ముగిస్తే, సమస్య తీరినట్లే. కానీ యుద్ధం ఇప్పట్లో ముగిసేలా కనిపించట్లేదు.

పెట్రోలియం మంత్రిత్వ శాఖ అధికారిక ఆర్డర్ అయిన Natural Gas Regulation Order 2026, BBC, Reuters, సాక్షి, ఈనాడు మార్చి 2026 న్యూస్‌ల ఆధారం ఈ సమాచారం ఇవ్వడం జరిగింది. ఇందులో ఎలాంటి రుమర్లూ లేవు.

యుద్ధం వల్ల ఎక్కడ చూసినా వంట గ్యాస్ సమస్యలు

FAQs (తరచుగా అడిగే ప్రశ్నలు)

1. పైప్డ్ గ్యాస్ కనెక్షన్ ఎలా తీసుకోవాలి?

లోకల్ CGD కంపెనీ (హైదరాబాద్‌లో Bhagyanagar Gas)ని సంప్రదించండి. డిపాజిట్ + ఇన్‌స్టాలేషన్ ఫీజు చెల్లిస్తే.. 7-10 రోజుల్లో వస్తుంది.

2. డొమెస్టిక్ సిలిండర్ బుకింగ్ ఎప్పుడు సాధారణం అవుతుంది?

ప్రస్తుతం 25 రోజులు. కేంద్రం డొమెస్టిక్ ఉత్పత్తిని పెంచుతోంది కాబట్టి.. 1, 2 వారాల్లో సాధారణం కావచ్చు.

3. PNG ధర, సిలిండర్ కంటే ఎక్కువా?

లాంగ్ టర్మ్‌లో చీప్. నెలకు రూ.800 నుంచి 1000 మాత్రమే ఉంటుంది. సిలిండర్ ధరలు పెరిగినప్పుడు ఇది లాభదాయకం.

4. హైదరాబాద్‌లో ఏ ఏరియాల్లో PNG ఉంది?

బంజారా హిల్స్, జూబ్లీ హిల్స్, కొండాపూర్, గచ్చిబౌలి వంటి ప్రాంతాల్లో ఎక్కువ. కొత్త గేటెడ్ సొసైటీలకు సులభంగా కనెక్షన్ ఇస్తున్నారు.

5. యుద్ధం కొనసాగితే ఏమవుతుంది?

కేంద్రం అల్టర్నేటివ్ సోర్సెస్ సెక్యూర్ చేస్తోంది. ఆందోళన అవసరం లేదు.

6. ఇండక్షన్ స్టవ్ కొనాలా?

తాత్కాలికంగా ఉంటే మంచిదే. కానీ PNGకి మారడం బెటర్. ఇది లాంగ్ టర్మ్‌లో బాగా యూజ్ అవుతుంది.

ఇవి కూడా చదవండి: Iran New AI Video: కొరివితో తల గోక్కున్న అమెరికా. ట్రంప్‌కి ఇరాన్ వార్నింగ్స్. ఏఐ వీడియోతో షాక్!

ఇరాన్ యుద్ధం మనకు ఒక లెసన్. దిగుమతులపైనే ఎక్కువగా ఆధారపడకూడదు అని ఇది మనకు చెబుతోంది. అలాగే ప్రజలుగా మనం గ్యాస్ సిలిండర్లపైనే ఆధారపడకుండా PNG వైపు మారడం మంచిదే. కేంద్రం ప్లాన్ బాగుంది. గృహాలకు సిలిండర్లు సప్లై అయ్యేలా చేస్తోంది. మీరు సిలిండర్ యూజర్ అయితే PNG కనెక్షన్ గురించి ఆలోచించండి. నిపుణుల సలహాలు తీసుకొని.. ఫైనల్ నిర్ణయం తీసుకోండి.

Source link