Madanapalle: పరాయివాడితో భార్యకు వివాహేతర సంబంధం.. అవమానంగా భావించిన భర్త.. మద్యం తాగి తనను తాను.. మదనపల్లెలో దారుణం! | ఆంధ్రప్రదేశ్ వార్తలు

కర్ణాటక రాష్ట్రం చింతామణి తాలూకా నారాయణ హల్లి గ్రామానికి చెందిన శ్రీరాములుకు, పవిత్ర అనే మహిళతో వివాహం జరిగింది. వీరి కాపురం కొంతకాలం సజావుగానే సాగింది. అయితే, గత కొంతకాలంగా భార్య పవిత్ర ప్రవర్తనలో మార్పు రావడం, ఆమె అదే గ్రామానికి చెందిన సిద్ధప్ప అనే వ్యక్తితో వివాహేతర సంబంధం పెట్టుకోవడం శ్రీరాములుకు తీవ్ర మనస్తాపాన్ని కలిగించింది. ఈ క్రమంలో, పవిత్ర తన భర్తను వదిలేసి సిద్ధప్పతో కలిసి వెళ్ళిపోయింది.

తన భార్య మరొకరితో వెళ్ళిపోవడాన్ని శ్రీరాములు జీర్ణించుకోలేకపోయాడు. గ్రామంలో అందరూ తనను చులకనగా చూస్తారన్న అవమాన భారంతో కుంగిపోయాడు. ఈ బాధ నుంచి తప్పుకోవడానికి ఆయన మదనపల్లెలోని మాదిన కొండ ప్రాంతంలో నివసిస్తున్న తన సోదరి సిద్ధమ్మ ఇంటికి వచ్చాడు. సోదరి ఇంట్లో ఉన్నప్పటికీ, భార్య లేని జీవితాన్ని ఊహించుకుంటూ నిత్యం నరకయాతన అనుభవించేవాడు.

ఆదివారం సాయంత్రం మనస్తాపం ముదరడంతో శ్రీరాములు ఒక కఠిన నిర్ణయం తీసుకున్నాడు. తన భార్యపై ఉన్న కోపాన్ని వింత పద్ధతిలో వ్యక్తపరిచాడు. మాదిన కొండ సమీపంలోని అడవి ప్రాంతానికి వెళ్ళిన ఆయన, ముందుగా మద్యం సేవించాడు. మత్తులో ఉన్న సమయంలో, భార్య తనను వదిలి వెళ్ళిందన్న ఆవేదనతో తన వెంట తెచ్చుకున్న కత్తితో తన ఎడమ కాలును మోకాలి కింద రెండుగా నరికేసుకున్నాడు.

వెంటనే స్పందించిన స్థానికులు పోలీసులకు సమాచారం అందించి, 108 వాహనం ద్వారా ఆయనను మదనపల్లె ప్రభుత్వ ఆసుపత్రికి తరలించారు. అక్కడ ప్రాథమిక చికిత్స అందించినప్పటికీ, కాలు పూర్తిగా తెగిపోవడం మరియు అధిక రక్తస్రావం జరగడంతో పరిస్థితి అత్యంత విషమంగా మారింది. దీంతో మెరుగైన వైద్యం కోసం వైద్యుల సూచన మేరకు బాధితుడిని తిరుపతిలోని రుయా ఆసుపత్రికి తరలించారు.