విశాలాంధ్ర – నల్లచెరువు: తనకల్లు మండలం ఈతోడు గ్రామానికి చెందిన రామ్మోహన్ (40) అనే వ్యక్తి బస్సులో ప్రయాణిస్తుండగా అకస్మాత్తుగా మృతి చెందిన ఘటన బుధవారం చోటుచేసుకుంది.స్థానికుల వివరాల మేరకు, రామ్మోహన్ తన తల్లి మరియు మరో బంధువుతో కలిసి తనకల్లు వద్ద మదనపల్లి – కదిరి సూపర్ లగ్జరీ బస్సులో ప్రయాణం ప్రారంభించారు. బస్సు నల్లచెరువు ప్రాంతానికి చేరుకున్న సమయంలో రామ్మోహన్ ఒక్కసారిగా అస్వస్థతకు గురైనట్లు తెలుస్తోంది. కొద్దిసేపటికే స్పందించకపోవడంతో సహ ప్రయాణికులు, కుటుంబ సభ్యులు ఆందోళన చెందారు.సమాచారం అందుకున్న స్థానికులు, పోలీసులు ఘటనాస్థలానికి చేరుకుని పరిస్థితిని పరిశీలించారు. అయితే అప్పటికే రామ్మోహన్ మృతి చెందినట్లు గుర్తించినట్లు సమాచారం.మృతికి గల పూర్తి కారణాలు తెలియరాలేదు. గుండెపోటుతో మృతి చెందిన అవకాశాలు ఉన్నాయని స్థానికులు భావిస్తున్నప్పటికీ అధికారికంగా నిర్ధారణ కావాల్సి ఉంది. ఈ ఘటనతో కుటుంబ సభ్యులు కన్నీరుమున్నీరుగా విలపించారు.ఈ ఘటనపై పోలీసులు కేసు నమోదు చేసి దర్యాప్తు చేపట్టినట్లు సమాచారం. ఘటనకు సంబంధించిన మరిన్ని వివరాలు తెలియాల్సి ఉంది.
The post బస్సులో ప్రయాణిస్తుండగా వ్యక్తి మృతి.. appeared first on Visalaandhra.
