Vijayawada: విజయవాడలో దుండగుల హల్చల్.. తండ్రి ఎక్కడున్నాడో చెప్పాలంటూ 13 ఏళ్ల బాలుడి మెడపై కత్తి పెట్టి దౌర్జన్యం! | ఆంధ్రప్రదేశ్ వార్తలు

నిందితులు బలవంతంగా తలుపులు ధ్వంసం చేసి ఇంట్లోకి ప్రవేశించారు. బాలుడిని మంచం మీదకు తోసేసి, ఒక నిందితుడు తన వద్ద ఉన్న కత్తిని బాలుడి మెడపై పెట్టి “మీ నాన్న ఫోన్ నంబర్ చెప్పు” అని బెదిరించాడు. మిగిలిన ఇద్దరు వ్యక్తులు ఇంట్లోని వస్తువులను చిందరవందర చేస్తూ దౌర్జన్యం చేశారు. ప్రాణభయంతో బాలుడు గట్టిగా కేకలు వేయడం ప్రారంభించడంతో, ఆ శబ్దాలు విన్న పక్కింటి స్నేహితుడు సాయి అక్కడికి చేరుకున్నాడు. స్థానికులు వస్తున్నారని గమనించిన నిందితులు వెంటనే అక్కడి నుంచి పారిపోయారు.

సమాచారం అందుకున్న మాచవరం పోలీసులు వెంటనే ఘటనా స్థలానికి చేరుకుని వివరాలు సేకరించారు. బాలుడు చెప్పిన వివరాల ప్రకారం, నిందితులు రాజేష్‌కు తెలిసిన వ్యక్తులు అయ్యే అవకాశం ఉందని పోలీసులు ప్రాథమికంగా భావిస్తున్నారు. పోలీసులు క్లూస్ టీమ్‌ను పిలిపించి వేలిముద్రలు సేకరించారు మరియు ఆ ప్రాంతంలోని సీసీటీవీ ఫుటేజీలను పరిశీలిస్తున్నారు. కిడ్నాప్ యత్నమా లేక పాత కక్షల వల్ల ఈ దాడి జరిగిందా అనే కోణంలో దర్యాప్తు సాగుతోంది. నిందితుల కోసం ప్రత్యేక బృందాలను రంగంలోకి దించినట్లు పోలీసులు వెల్లడించారు.