Tirumala Temple: మనవడి పుట్టినరోజు వేళ.. తిరుమల శ్రీవారి సేవలో నారా కుటుంబం.. వీడియో చూశారా.. |

ధ్వజస్తంభానికి నమస్కరించిన అనంతరం సీఎం బృందం స్వామివారిని దర్శించుకుని మొక్కులు తీర్చుకున్నారు. శ్రీవారి దర్శనం అనంతరం ఆలయ ప్రదక్షిణలో భాగంగా శ్రీ వకుళమాత, విమాన వేంకటేశ్వరస్వామి, సబేరా, భాష్యకార్ల సన్నిధి, యోగనరసింహస్వామివారిని దర్శించుకున్నారు. అనంతరం హుండీలో కానుకలు సమర్పించిన ముఖ్యమంత్రి, స్వామివారికి శేష వస్త్రాన్ని అందజేశారు.

వేదాశీర్వచనం ప్రసాద వితరణ రంగనాయకుల మండపంలో వేద పండితులు ముఖ్యమంత్రి కుటుంబానికి వేదాశీర్వచనం చేశారు. టీటీడీ చైర్మన్ బి.ఆర్.నాయుడు, ఈవో రవిచంద్ర, అదనపు ఈవో వెంకయ్య చౌదరి కలిసి సీఎంకు కు శ్రీవారి తీర్థప్రసాదాలు, చిత్రపటం, పరాభవ నామ సంవత్సర పంచాంగం, డైరీ, క్యాలెండర్, అగరబత్తులు, పంచగవ్య ఉత్పత్తులను అందజేశారు. ఈ కార్యక్రమంలో టీటీడీ బోర్డు సభ్యులు, జేఈవోలు వీరబ్రహ్మం, శరత్, సీవీఎస్వో మురళీకృష్ణ, ఆలయ డిప్యూటీ ఈవో లోకనాథం సహా పలువురు రాష్ట్ర, జిల్లా అధికారులు పాల్గొన్నారు.