Tiger Video: ఓవైపు జనాన్ని భయపెడుతున్న పెద్దపులి.. సింగిల్‌గా ఫారెస్ట్‌లో చిల్ అవుతోంది, వీడియో ఇదిగో | ఈస్ట్ గోదావరి వార్తలు (East Godavari News)

ఉమ్మడి తూర్పు గోదావరి జిల్లాలో ముప్పుతిప్పలు పెడుతున్న పెద్దపులి తాజాగా రంపచోడవరం నియోజకవర్గం అటవీ ప్రాంతంలో ఉన్నట్లు ఫారెస్ట్ అధికారులు నిర్ధారణ చేశారు. అయితే ఓపక్క కాకినాడ జిల్లాలోకి ప్రవేశిస్తూ మరోపక్క రంపచోడవరంలోకి అడుగుపెడుతూ, గేదెలను, ఆవులను చంపుతున్న పెద్దపులి ఈసారి పూర్తిగా ఏవిధంగా ఉంటుందో డ్రోన్ కెమెరాకు చిక్కింది. పరిస్థితి చేయి దాటడం వరసగా దాడులు చేయడంతో పెద్దపులి ఎలాగైనా బంధించాలి మళ్లీ గన్ ఇంజక్షన్లతో పెద్దపులిని పట్టుకోవాలని ఫారెస్ట్ అధికారులు భావిస్తున్నారు. ఈ సమయంలోనే ఓపెన్ ఫారెస్ట్ లో డ్రోన్ కెమెరా ఎగరవేసి పెద్దపులి ఎక్కడైనా ఉందేమో అన్న విధంగా గాలింపు చర్యలు చేపట్టారు  సరిగ్గా అదే సమయంలో పెద్దపులి ఈ డ్రోన్ కెమెరాకు చిక్కింది.

రంపచోడవరం అటవీ ప్రాంతంలో తాటిచెట్లు పచ్చని నేల గడ్డి ఉన్న ప్రాంతంలో పెద్దపులి ఆడుకుంటూ ఎంతో ఉత్సాహంగా ఉన్నట్లు ఈ వీడియోలో కనిపిస్తుంది. పెద్దపులికున్న నాలుగు కాళ్లు పైకిపెట్టి పైకి కిందకి ఆడించడం తల అటు తిప్పడం, ఒక పక్కకి ఒరిగి చూడటం, మొత్తానికి ఏ మాత్రం రాజసం అనేది పక్కనపెట్టి ఎంతో ఉత్సాహంగా పెద్దపులి ఉన్నట్లుగా ఈ వీడియోలో స్పష్టం అవుతుంది. నిజానికి పెద్దపులి ఎంతో ఆరోగ్యంగా ఉందని తెలియజేయడానికి అటవీశాఖ అధికారులు ఈ వీడియో బయటకి రిలీజ్ చేసినప్పటికీ, పెద్దపులిలో మరో కోణం సైతం కనిపించింది. నడుస్తుంటే భయం చూస్తే ఆందోళనగా ఉండే పెద్దపులి కేవలం ఒక పిల్లి పిల్ల మాదిరిగా సరదా సరదాగా గడపడం ఈ వీడియోలో మాత్రమే తొలిసారి కనిపించిందని చెప్పుకోవచ్చు.

ప్రస్తుతం రాజవొమ్మంగి రంపచోడవరం ప్రాంతంలో పెద్దపులి ఉన్న నేపథ్యంలో అడవి గుండా వెళ్లే గిరిజనులు జాగ్రత్త వహించాలని అటవిశాఖ అధికారులు చెబుతున్నారు. ఆవులు, దూడలు, గేదెలు వంటివి అటవీ ఆవాసాల్లో ఉంచకుండా జాగ్రత్తలు పడాలని పేర్కొన్నారు, పులి మోనిటరింగ్ జరుగుతుందని త్వరలోనే బంధించడం జరుగుతుందంటూ అటవీ శాఖ అధికారులు చెబుతున్నారు. మరపక్క రంపచోడవరం ఎమ్మెల్యే మిర్యాల శిరీష దేవి సైతం వీడియో రిలీజ్ చేశారు.ప్రజలంతా అప్రమత్తంగా ఉండాలి పులివల్ల ప్రజలకు ఎలాంటి ఇబ్బందులు లేకుండా పర్యవేక్షిస్తున్నట్లుగా స్పష్టం చేశారు.