Temple Controversy: శ్రీకాళహస్తి ఆలయంలో అక్రమ వసూళ్ల కలకలం.. సోషల్ మీడియా వీడియోపై దేవస్థానం సీరియస్! |

ఈ వీడియోను వైసీపీ అనుబంధ సోషల్ మీడియా వేదికలు పంచుకోవడంతో ఇది మరింత వైరల్ అయింది. ఆలయానికి వచ్చే భక్తులు మోసపోవద్దని హెచ్చరిస్తూ చేసిన ఈ పోస్టులు ప్రజల్లో ఆందోళన కలిగించాయి. దోష నివారణ కోసం వచ్చే పవిత్ర క్షేత్రంలోనే కొందరు సిబ్బంది అక్రమ వసూళ్లకు పాల్పడుతున్నారనే ఆరోపణలు రావడం భక్తుల్లో అసంతృప్తిని పెంచుతోంది.

ఇదిలా ఉండగా, ఈ ఆరోపణలను శ్రీకాళహస్తీశ్వరస్వామి దేవస్థానం తీవ్రంగా ఖండించింది. కొందరు గుర్తు తెలియని వ్యక్తులు సామాజిక మాధ్యమాల ద్వారా తప్పుడు సమాచారాన్ని ప్రచారం చేస్తూ దేవస్థానం పరువు ప్రతిష్టలకు భంగం కలిగిస్తున్నారని పేర్కొంది. ముఖ్యంగా ఒక మహిళ సోషల్ మీడియాలో చేసిన ఆరోపణలు అసత్యమని స్పష్టం చేస్తూ, ఆమెపై పోలీసుల ద్వారా కేసులు నమోదు చేసినట్లు వెల్లడించింది.

భవిష్యత్తులో ఇలాంటి తప్పుడు ప్రచారాలకు పాల్పడే వారిపై కఠిన చర్యలు తీసుకుంటామని హెచ్చరించింది. భక్తులు సోషల్ మీడియాలో వచ్చే నిర్ధారణ లేని సమాచారాన్ని నమ్మవద్దని, అధికారిక ప్రకటనలను మాత్రమే విశ్వసించాలని దేవస్థానం కోరింది. ఈ పరిణామాల మధ్య, భక్తుల ప్రయోజనాల కోసం పారదర్శక వ్యవస్థ అవసరమనే చర్చ మరింత బలపడుతోంది.