Simhachalam Temple: ఉగాది నాడు అప్పన్న సన్నధిలో.. ఉచిత సామూహిక అక్షరాభ్యాసం | విశాఖపట్నం వార్తలు (Visakhapatnam News)

ప్రతి ఏటా జరిగే ఉత్సవాల్లో భాగంగా పరాభవ నామ సంవత్సర ఉగాది పర్వదినాన్ని పురస్కరించుకుని, సింహాచలం శ్రీ వరాహ లక్ష్మీ నరసింహ స్వామి వారి దేవస్థానంలో చిన్నారుల కోసం ఉచిత సామూహిక అక్షరాభ్యాస కార్యక్రమాన్ని  నిర్వహించనున్నట్లు దేవస్థానం కార్యనిర్వహణ అధికారి  జల్లేపల్లి వెంకట్రావు తెలిపారు. ప్రభుత్వ ఆదేశాల మేరకు రాష్ట్రంలోని అన్ని 6A కేటగిరీ దేవాలయాలలో నిర్వహించబడుతున్న ఈ విశిష్ట కార్యక్రమంలో భాగంగా, సింహాచలం పుణ్యక్షేత్రంలో కూడా ఉచిత సామూహిక అక్షరాభ్యాస కార్యక్రమాన్ని నిర్వహిస్తున్నట్లు ఆయన పేర్కొన్నారు. 19 మార్చి 2026 (గురువారం – ఉగాది పర్వదినం ఉదయం 9:00 గంటల కు నిర్వహించబడును అని తెలిపారు.

స్వామివారి దివ్య ఆశీస్సులతో చిన్నారుల విద్యాభ్యాసాన్ని సంప్రదాయబద్ధంగా ప్రారంభించేందుకు ఈ కార్యక్రమం నిర్వహించబడుతోంది అని తెలిపారు. భక్తులు,  తమ పిల్లలకు అక్షరాభ్యాసం చేయించుకునేందుకు ఇది ఒక శుభప్రదమైన, సువర్ణ అవకాశం అని తెలిపారు. ఈ అవకాశాన్ని ప్రతి ఒక్కరు వినియోగించుకోవాలని తెలిపారు. దేవస్థానం ఆధ్వర్యంలో ఉచితంగా ఈ కార్యక్రమం నిర్వహించడం జరుగుతుందని తెలిపారు. 9 గంటల లోపు ఆలయ ప్రాంగణంలోకి చేరుకోవాలని తెలిపారు. వచ్చిన ప్రతి ఒక్కరికి ఈ కార్యక్రమంలో పాల్గొనేందుకు అవకాశం ఉంటుందని తెలిపారు. మరింత సమాచారం కోసం దేవస్థానం సమాచార కేంద్రాన్ని సంప్రదించాలని అన్నారు.