Shocking Incident: కూతుర్ని బైక్‌పై కూర్చొబెట్టుకొని నదిలోకి.. తండ్రి ఎందుకలా చేశాడో తెలిస్తే షాక్ | ఈస్ట్ గోదావరి వార్తలు (East Godavari News)

ఏపీకి సంబంధించి కాకినాడజిల్లా జగ్గంపేట ప్రాంతానికి చెందిన ఓడిపోయిన మణికంఠ ఏడాదిన్నర క్రితం శీలం సాయమ్మ అనే మహిళను  రెండవ వివాహం చేసుకున్నట్లుగా ప్రతిపాడు సిఐ బి.అప్పారావు తెలియచేశారు. వీరిద్దరి దాంపత్య జీవితంలో 11 నెల చిన్నారి ఉందని, ఆపాపకి నామకరణం సైతం చేయలేదని  సీఐ తెలిపారు.. ముఖ్యంగా మణికంఠ మద్యం సేవించి భార్యతో గొడవ పడుతూ ఉండేవాడని పోలీసులు తెలిపారు, ఇలాంటి తరుణంలో తాజాగా భార్యాభర్తల మధ్య ఈ గొడవ కాస్త ఎక్కువ కావడంతో తనకు పుట్టిన బిడ్డను ఇవ్వాలంటూ 11 నెలల చిన్నారిని బైక్పై ఎక్కించుకుని మణికంఠ ప్రయాణమయ్యాడు, అయితే మణికంఠ అమ్మగారింటికి గాని చిన్నారిని తీసుకెళ్తున్నాడేమో అని చిన్నారి తల్లి అయినా సాయమ్మ ఊరుకుందని స్థానికులు తెలిపారు.ఇలాంటి తరుణంలో ఊహించిన పరిణామం ఏర్పడింది, 11 నెల చిన్న పాపతో బైక్ పై వెళ్లిన మణికంఠ నేరుగా జగ్గంపేట సమీపంలో ఉన్న నదిలోకి బైకు చిన్నారితో సహా దూకాడు.

ఈ ప్రమాదంలో స్థానికులు మణికంఠను రక్షించగా 11 నెల చిన్నారి మాత్రం ప్రాణాలు విడిచింది, విషయం తెలుసుకున్న బాధిత కుటుంబం కన్నీరు మున్నీరుగా విలిపిస్తుంది. ఈఘటనకు సంబంధించి భార్య సాయమ్మ ఇచ్చిన ఫిర్యాదు మేరకు కేవలం 12 గంటలు లోపే భర్త మణికఠను అరెస్ట్ చేసినట్లుగా ప్రత్తిపాడు సిఐ అప్పారావు మీడియా సమావేశంలో తెలిపారు.

భార్యాభర్తల మధ్య అన్యోన్యత లోపించడం, భర్తలు ఇష్టారాజ్యంగా మద్యం సేవించి భార్యలను హింసించడం, ముఖ్యంగా అనుమానం అనే పెనుభూతం భార్యాభర్తల మధ్య దాపరించడంతో ఇలాంటి ఘటనలు ఎక్కువగా జరుగుతున్నాయని పలువురు పేర్కొంటున్నారు.నిజానికి ఈ ఘటనలో సంబంధం లేని చిన్నారులను కని పెంచిన తల్లిదండ్రులే పొట్టన పెట్టుకుంటున్నారని పలువురు ఆవేదన వ్యక్తం చేస్తున్నారు.  ఏదేమైనా ఈమధ్యకాలంలో తల్లిదండ్రులు ఆలోచనలు కావచ్చు, లేదా తొందరపాటు నిర్ణయాలు కావచ్చు, సంబంధం లేని చిన్నారులను బలవంతంగా తల్లిదండ్రులే చంపేస్తున్న ఘటనలు గోదావరి జిల్లాలో అధికంగా జరుగుతున్నాయని చెప్పుకోవచ్చు.