Hot Weather: జాగ్రత్త: ఏపీని వణికిస్తున్న ఎండలు.. నేడు 19 మండలాల్లో తీవ్ర వడగాల్పులు.. విపత్తుల నిర్వహణ సంస్థ హెచ్చరిక! | విశాఖపట్నం వార్తలు (Visakhapatnam News)

ఎండ తీవ్రత, వడగాలులు, ఉక్కపోత పట్ల ప్రజలు మరింత అప్రమత్తంగా ఉండి తగిన జాగ్రత్తలు తీసుకోవాలని సూచించారు. ఆదివారం : శ్రీకాకుళం జిల్లా: బూర్జ, హిరమండలం, విజయనగరం జిల్లా: సంతకవిటి, వంగర మండలాలు పార్వతీపురంమన్యం జిల్లా: బలిజిపేట, గరుగుబిల్లి, గుమ్మలక్ష్మీపురం, జియమ్మవలస, కొమరాడ,కురుపాం, పాలకొండ, పార్వతీపురం, సీతంపేట, వీరఘట్టం మండలాలు పోలవరం జిల్లా : చింతూరు, కూనవరం, వరరామచంద్రపురం. ఏలూరు జిల్లా : కుక్కునూరు, వేలేరుపాడు మండలాల్లో(19) తీవ్రవడగాలులు వీచే అవకాశం ఉందని ప్రఖర్ జైన్ వెల్లడించారు.

అలాగే 35 మండలాల్లో వడగాలులు ప్రభావం చూపనున్నట్లు తెలిపారు. సోమవారం మొత్తంగా 70 మండలాల్లో వడగాల్పులు వీచే అవకాశం ఉందన్నారు. శనివారం కడప(జి) పొట్టిపాడులో 44.7°C, నెల్లూరు(జి) కొమ్మిపాడులో 44.3°C, తిరుపతి(జి) వరదయ్యపాలెంలో 44.2°C, నంద్యాల(జి) గోస్పాడు, ప్రకాశం(జి) కొప్పెరపాడులో 42.8°C, కర్నూలు(జి) మంత్రాలయంలో42.7°C, మార్కాపురం(జి) నందన మారెళ్లలో 42.2°C, అనంతపురం(జి) రాయదుర్గం, చిత్తూరు(జి) సింధురాజపురంలో 42.1°C, ఎన్టీఆర్(జి) తొర్రగుడిపాడు 41.9°C, శ్రీసత్యసాయి(జి) కొత్తచెరువులో 41.6°C, పల్నాడు(జి) గురజాలలో 41.2°C, మన్యం(జి) భామినిలో 41.1°సి చొప్పున గరిష్ఠ ఉష్ణోగ్రతలు నమోదైనట్లు వెల్లడించారు.

ఎండలో బయటకు వెళ్లేప్పుడు తలకి టోపి పెట్టుకోవాలని, తెలుపురంగు గల కాటన్ వస్త్రాలను ధరించాలన్నారు. అదే విధంగా కళ్ళ రక్షణ కోసం సన్ గ్లాసెస్ ఉపయోగించాలన్నారు. చెవుల్లోకి వేడిగాలి వెళ్ళకుండా జాగ్రత్త పడాలని, గుండె సంబంధిత వ్యాదులు, షుగర్, బీపీ ఉన్నవారు ఎండలో తిరగరాదని సూచించారు. నిమ్మకాయ నీరు, మజ్జిగ, కొబ్బరి నీరు, మంచినీరు ఎక్కువగా తీసుకోవాలని సూచించారు.