Gas Shortage: ఏపీలో గ్యాస్ కొరత నిజమేనా..! పలుచోట్ల దుకాణాలు మూసివేసేందుకు సిద్దం | ఈస్ట్ గోదావరి వార్తలు (East Godavari News)

పశ్చిమాసియా దేశాల్లో జరుగుతున్న యుద్ధ వాతావరణం నేపథ్యంలో భారతదేశంలో గ్యాస్ కొరత ప్రభావం అధికంగా కనిపిస్తోంది. దీంతో తెలుగు రాష్ట్రాల్లో కూడా ఈ ఎల్పీజీ గ్యాస్ దొరుకుతుందా లేదా అన్న అనుమానం నేపథ్యంలో ముందస్తుగా ప్రతి నివాసంలో స్పెర్ గ్యాస్ బుక్ చేసుకుని ఇంట్లో పెట్టుకునేందుకు ప్రజలు సిద్ధపడుతున్నారు. అంతేకాకుండా గ్యాస్ రేటు పెరిగిపోతుందని ప్రచారం సైతం జోరుగా సాగడంతో నివాసాల్లో ముందుగానే గ్యాస్ తెచ్చుకుంటే ఏమైంది అనే విధంగా బుకింగ్లపై ప్రజలు దృష్టి పెట్టారు. గతంలో ఏన్నడు లేని విధంగా గ్యాస్ బుకింగ్ లు ఒక్కసారిగా భారీగా పెరిగి పోవడంతో గ్యాస్ ఏజెన్సీదారులు సైతం తలలు పట్టుకుంటున్న పరిస్థితి కనిపిస్తుంది.

ఏపీకి సంబంధించి అనేక ప్రాంతాలలో ప్రతిరోజు ఉదయం టిఫిన్, స్నాక్స్, టి అమ్మే దుకాణాలన్నీ అక్కడే తయారుచేసి అక్కడ అమ్మకాలు నిర్వహిస్తారు. అయితే ప్రతిరోజు వారికున్న వ్యాపారాన్ని బట్టి సగం గ్యాస్, ఫుల్ బండ్ల సైతం అయిపోయే పరిసతులున్నాయి. అటువంటి వారికి ఇక గ్యాస్ దొరికే అవకాశాలు తక్కువగా ఉన్న పరిస్థితి నెలకొంది. దీంతో కొన్ని ప్రాంతాలలో గ్యాస్ లేక దుకాణాల సైతం మూసివేస్తున్న పరిస్థితులు ఎదురవుతున్నాయి. నిత్యం రద్దీగా ఉండే టీ టిఫిన్ దుకాణాలు ప్రస్తుతం కొన్నిచోట్ల మూసి వేయడంతో వెలవెలబోతూ కనిపిస్తున్నాయి.

రాష్ట్ర ప్రభుత్వం కీలక నిర్ణయం గ్యాస్ కొరత నేపథ్యంలో స్కూల్స్, హాస్టల్స్ కు నివాసాలకు ఎలాంటి ఇబ్బంది ఉండదు అంటూ ప్రకటన చేసింది. ఇప్పటికే గ్యాస్ ఏజెన్సీకి ప్రత్యేక ఆదేశాలు జారీ చేసింది. అయితే ప్రజలందరూ తప్పుడు ప్రచారాలు నమ్మొద్దని ప్రతి ఇంటికి ఎప్పటి మాదిరిగానే గ్యాస్ అందుతుందని గోదావరి జిల్లాలకు సంబంధించిన కలెక్టర్లు ప్రత్యేకంగా పేర్కొంటున్నారు. మరొపక్క గ్యాస్ రేటు పెరిగిపోతుంది అన్న అపోహలు సైతం నమోదు అంటూ జిల్లా అధికారులు పేర్కొంటున్నారు. ఏది ఏమైనా గ్యాస్ కొరత నేపథ్యంలో ముందు ముందుకు ప్రభావం ఏ విధంగా ఉంటుందో అన్న భయం సగటు ప్రజల్లో ఎక్కువగా కనిపిస్తుంది. ఈ విషయంపై ప్రభుత్వం మరింత చొరవ తీసుకుని నివాసాలకు వసతి గృహాలకు స్కూల్స్‌కి ఎలాంటి ఇబ్బంది లేకుండా మరింత కట్టుదిట్టమైన చర్యలు తీసుకోవాలంటూ పలువురు కోరుతున్నారు.