Free Training: గిరిజన యువతకు శుభవార్త.. ఉచిత శిక్షణతో స్వయం ఉపాధి పొందే సువర్ణావకాశం! | చిత్తూరు వార్తలు (Chittoor News)

ఈ శిక్షణ కార్యక్రమం కేవలం నైపుణ్యాభివృద్ధికి మాత్రమే కాకుండా, అభ్యర్థులు తమ కాళ్లపై తాము నిలబడేలా చేయడమే ప్రధాన ఉద్దేశ్యం. శిక్షణ పొందే ప్రతి కోర్సుకూ ప్రత్యేక అర్హతలు, వయస్సు పరిమితులు నిర్ణయించారు.

డేటా ఎంట్రీ ఆపరేటర్: ఈ కోర్సు 60 రోజుల పాటు ఉంటుంది. దీనికి కనీసం ఇంటర్మీడియట్ ఉత్తీర్ణులై ఉండాలి. వయస్సు 18 నుండి 35 ఏళ్ల మధ్య ఉండాలి.

లైట్ వెహికల్ డ్రైవింగ్: ఈ శిక్షణ 45 రోజుల పాటు కొనసాగుతుంది. 10వ తరగతి ఉత్తీర్ణులై, 18-35 ఏళ్ల వయస్సు ఉన్న యువతీ యువకులు దరఖాస్తు చేసుకోవచ్చు.

జ్యూట్ బ్యాగ్ మేకింగ్: 45 రోజుల శిక్షణ. 18-45 ఏళ్ల వయస్సు గల మహిళలు అర్హులు. రాయడం, చదవడం వస్తే చాలు.

మగ్గం వర్క్ & ఎంబ్రాయిడరీ: 45 రోజుల శిక్షణ. 18-45 ఏళ్ల వయస్సు గల మహిళలు అర్హులు. రాయడం, చదవడం తెలిసి ఉండాలి.

టైలరింగ్: 45 రోజుల శిక్షణ. 18-45 ఏళ్ల వయస్సు గల మహిళలు అర్హులు. చదవడం, రాయడం తెలిసిన వారు దరఖాస్తు చేసుకోవచ్చు.

శిక్షణ పొందే అభ్యర్థులకు ప్రభుత్వం ఉచిత వసతి, భోజన సౌకర్యాలను కల్పిస్తోంది. దీనివల్ల ఆర్థిక ఇబ్బందులు ఉన్నవారు ఎటువంటి ఆందోళన లేకుండా ఈ శిక్షణను పూర్తి చేయవచ్చు. శిక్షణ అనంతరం అభ్యర్థులకు అవసరమైన నైపుణ్యాలు లభించడం ద్వారా వివిధ రంగాల్లో ఉపాధి పొందే అవకాశం ఉంటుంది.

దరఖాస్తు విధానం: అసక్తి గల అభ్యర్థులు ఈ అవకాశాన్ని వదులుకోకూడదు. ఈ నెల 15వ తేదీ వరకు దరఖాస్తుకు సమయం ఉంది. అభ్యర్థులు ఆన్‌లైన్ ద్వారా తమ దరఖాస్తులను సమర్పించాల్సి ఉంటుంది. మరిన్ని వివరాలకు ఏదైనా సందేహాలు ఉంటే లేదా అదనపు సమాచారం కావాలంటే అభ్యర్థులు 8187899877 అనే నంబర్‌కు సంప్రదించవచ్చు.

శిక్షణ పూర్తి చేసుకున్న అభ్యర్థులు తమ నైపుణ్యంతో సొంతంగా కుటీర పరిశ్రమలు ప్రారంభించుకోవడానికి లేదా ప్రైవేట్ సంస్థల్లో ఉద్యోగాలు పొందడానికి ఇది ఒక మంచి సోపానం కానుంది. గిరిజన యువత సామాజికంగా, ఆర్థికంగా అభివృద్ధి చెందేలా చేయడమే ఈ కార్యక్రమం అంతిమ లక్ష్యం. కాబట్టి, అర్హులైన వారు వెంటనే దరఖాస్తు చేసుకుని, తమ భవిష్యత్తును మెరుగుపరుచుకోవాలని అధికారులు సూచిస్తున్నారు.