Dairy Farming Tips: పాడి పశువుల్లో పాల దిగబడి తగ్గుతుందా.. ఇలా చేస్తే బెస్ట్ రిజల్ట్ అంటున్న వైద్యులు |

అలాగే ఎండల వల్ల పశువుల్లో ఉష్ణ ఒత్తిడి (హీట్ స్ట్రెస్) పెరిగి పాల ఉత్పత్తి తగ్గుతుందని తెలిపారు. సాధారణంగా ప్రతి ఒక డిగ్రీ ఉష్ణోగ్రత పెరుగుదలకూ పశువుల పాల దిగుబడి సుమారు 250 మిల్లీలీటర్ల వరకు తగ్గే అవకాశం ఉందని ఆయన వెల్లడించారు. అధిక ఉష్ణోగ్రతలు పశువుల శరీర వ్యవస్థపై ప్రతికూల ప్రభావం చూపి వాటి ఆరోగ్యాన్ని కూడా దెబ్బతీస్తాయని హెచ్చరించారు.

ఈ సమస్యను అధిగమించడానికి పాడి రైతులు కొన్ని జాగ్రత్తలు తీసుకోవాలని సూచించారు. పశువుల షెడ్లపై గడ్డి లేదా తారు బానులు ఏర్పాటు చేసి ఎండ నుంచి రక్షణ కల్పించాలన్నారు. అవి అందుబాటులో లేని పరిస్థితుల్లో పశువులను తరచుగా నీటితో తడపడం ద్వారా శరీర ఉష్ణోగ్రతను తగ్గించవచ్చని తెలియజేశారు.

వేసవిలో పశువులను బయటకు మేపుకి తీసుకెళ్లేటప్పుడు ఉదయం 10 గంటలలోపే తీసుకెళ్లడం మంచిదని సూచించారు. మధ్యాహ్నం తీవ్ర ఎండ సమయంలో పశువులను బయట ఉంచకుండా జాగ్రత్త పడాలని తెలిపారు. అలాగే ఎల్లప్పుడూ శుభ్రమైన తాగునీరు అందుబాటులో ఉండేలా చూసుకోవడం చాలా అవసరమని చెప్పారు. ఇకపోతే పశువులకు సరైన ఆహారం, మినరల్ మిశ్రమాలు, సకాలంలో వైద్య సేవలు అందించడం ద్వారా కూడా పాల ఉత్పత్తిని కొంతవరకు నిలబెట్టుకోవచ్చని పేర్కొన్నారు. రైతులు ఈ సూచనలు పాటిస్తే వేసవికాలంలో కూడా పాల దిగుబడిని పెంచుకునే అవకాశం ఉంటుందని డాక్టర్ మోహన్ తెలిపారు.