APSRTC: సింహాచలం చందనోత్సవానికి ఆర్టీసీ భారీ ఏర్పాట్లు.. భక్తుల కోసం 380 ప్రత్యేక బస్సులు! | విశాఖపట్నం వార్తలు (Visakhapatnam News)

ఈ చందనోత్సవం రోజు శ్రీ వరాహ లక్ష్మీ నరసింహ సమిని దర్శించుకునేందుకు లక్షలాది భక్తులు సింహాచలం విచ్చేస్తారు. భక్తుల రద్దీ దృశ్య 380 ప్రత్యేక ఆర్టిసి బస్సులు ఏర్పాటు చేయడం జరిగిందని ప్రజలందరూ వినియోగించుకోవాలని విశాఖపట్నం ఆర్టీసీ రీజినల్ మేనేజర్ బి అప్పలనాయుడు తెలిపారు. చందనోత్సవం రోజు సింహాచలం కొండ కింద నుంచి పైకి వెళ్లేందుకు కొండ దిగువ 80 ప్రత్యేక బస్సులు ఆర్టీసీ బస్సులు ఏర్పాటు చేయడం జరిగిందని తెలిపారు.

తగరపువలస , భీమిలి , గాజువాక , పెందుర్తి , ఆనందపురం , అనకాపల్లి , విజయనగరం , శ్రీకాకుళం జిల్లాల నుంచి వచ్చే భక్తులకు సింహాచలం కొండ వరకు 300 ప్రత్యేక బస్సులు ఏర్పాటు చేయడం జరిగిందని తెలిపారు. ఎప్పటికప్పుడు ఆర్టీసీ బస్సులు అందుబాటులో ఉంటాయని ఎవరు కూడా బస్సులు లేవని కంగారు పడొద్దు అని తెలిపారు.

కొండ మీదకి కొండ కింద వరకు భక్తులను సురక్షితంగా చేరవేసేందుకు బస్సులన్నీ సిద్ధం చేయాలని ఆర్టీసీ సిబ్బందికి విశాఖపట్నం ఆర్టీసీ రీజినల్ మేనేజర్ తెలిపారు. ఎటువంటి అసౌకర్యం కలగకుండా ఎప్పటికప్పుడు బస్సులను తనిఖీ చేసి వారి యొక్క రిపేర్లు చేసి సిద్ధమ చేయాలని విజ్ఞప్తి చేశారు. అదేవిధంగా సింహాచలం డిపోలో మెకానికల్ సిబ్బంది డ్రైవర్లు కండక్టర్లు తగు విధంగా ఏర్పాట్లు చేసుకోవాలని తెలిపారు.

కొండపైకి ఎక్కి బస్సులను స్పెషల్ మెకానికల్ టీమ్స్ ద్వారా తనిఖీలు జరిపి ఇప్పటి నుంచి ఎప్పటికప్పుడు సరి చేయాలని డిపో సిబ్బందికి సూపర్వైజర్లకు అధికారులకు సూచనలు చేయడం జరిగినది. ప్రభుత్వం ఇచ్చే ఆదేశాలను, కలెక్టర్ గారిని ఇచ్చే ఆదేశాలను దృష్టిలో ఉంచుకొని 20వ తారీకు తెల్లవారుజాము నుంచి బస్సులను ఎప్పటికప్పుడు, తిప్పుకుంటూ భక్తులకు ఎటువంటి ఇబ్బంది లేకుండా సేవలను అందించాలని, మెకానికల్ రిలీఫ్ టీమ్ కూడా ఏర్పాటు చేశామని తెలిపారు. ఈ అవకాశాన్ని ప్రతి ఒక్కరూ సద్వినియోగం చేసుకోవాలని అన్నారు.