నేడు ఏప్రిల్ 2, 2026 రాజ్యసభలో ఈ బిల్లుపై రెండు గంటల చర్చ జరగనుంది. లోక్సభలో నిన్న (ఏప్రిల్ 1) వాయిస్ ఓటుతో ఆమోదం పొందిన ఈ సవరణ బిల్లు 2014 ఆంధ్రప్రదేశ్ పునర్వ్యవస్థీకరణ చట్టం సెక్షన్ 5ని సవరించి, అమరావతిని జూన్ 2, 2024 నుంచి రాష్ట్ర ఏకైక రాజధానిగా గుర్తిస్తుందని ది హిందూ, ఏప్రిల్ 1, 2026 రిపోర్ట్ చేసింది.
కేంద్ర హోం శాఖ సహాయ మంత్రి నిత్యానంద రాయ్ లోక్సభలో బిల్లు ప్రవేశపెట్టగా, టీడీపీ, బీజేపీ ఎంపీలు బలంగా సమర్థించారు. వైఎస్ఆర్సీపీ ఎంపీలు వాకౌట్ చేయడం సంచలనం సృష్టించింది. ఈ బిల్లు ఆమోదం పొందితే అమరావతి అభివృద్ధి కార్యక్రమాలకు కేంద్ర నిధులు సులభంగా అందుతాయని అంచనా వేస్తూ ఎకనామిక్ టైమ్స్, ఏప్రిల్ 1, 2026 రిపోర్ట్ చేసింది.
“ఇది చారిత్రక ఘట్టం! కోట్ల మంది ఆంధ్రుల కల నెరవేరుతోంది. అమరావతి శాశ్వత రాజధాని అవుతుంది” అని సీఎం చంద్రబాబు నాయుడు స్వాగతించారని పీఐబీ, ఏప్రిల్ 1, 2026న తెలిపింది.
“అమరావతి అవినీతి రాజధాని” అంటూ వైఎస్ఆర్సీపీ అధినేత జగన్మోహన్ రెడ్డి తీవ్రంగా విమర్శించారు. బిల్లు ఖర్చుతో కూడుకున్నదనీ, ఆచరణ సాధ్యం కాదని వ్యాఖ్యానించారని ది సౌత్ ఫస్ట్, ఏప్రిల్ 1, 2026ని రిపోర్ట్ చేసింది.
రాజ్యసభ తర్వాత ఏమవుతుంది? చట్టం ఎలా అవుతుంది?:
• రాజ్యసభలో ఆమోదం పొందిన తర్వాత బిల్లును రాష్ట్రపతి ద్రౌపది ముర్ము వద్దకు పంపిస్తారు.
• రాష్ట్రపతి అంగీకారం పొందగానే గెజిట్ నోటిఫికేషన్ జారీ అవుతుంది.
• అప్పుడు బిల్లు చట్టంగా మారి, అమరావతికి పూర్తి చట్టబద్ధ స్థాయి వస్తుంది.
కూటమి ప్రభుత్వం “ఇక భవిష్యత్తులో ఎవరూ రాజధానిని మార్చలేరు” అని చెబుతోంది కానీ అది నిజం కాదు. నెక్ట్స్ అసెంబ్లీ ఎన్నికల్లో వైసీపీ అధికారంలోకి వస్తే, ఆ ప్రభుత్వం కూడా ఇలాగే అమరావతి కాకుండా వేరే దేన్నైనా రాజధానిగా చెబుతూ.. తీర్మానం చేసి, లోక్సభకు పంపితే, దాన్ని పార్లమెంట్ ఆమోదిస్తే.. అప్పుడు అది కూడా చట్టంగా మారగలదు. మరి కూటమి ప్రభుత్వం ఎందుకు ఇలా చెబుతోందంటే.. ఇలా అమరావతిని రాజధాని కాకుండా మార్చడం అంత తేలిక కాదు. ఇప్పుడు కూటమి సర్కారులో బీజేపీ భాగంగా ఉంది కాబట్టి, కేంద్రంలో టీడీపీతో బీజేపీకి అవసరం ఎక్కువగా ఉంది కాబట్టి.. కూటమి ప్రభుత్వ ప్రయత్నాలు ఫలిస్తున్నాయి.
అమరావతి రాజధానిగా అవ్వడం ద్వారా ఏపీలో పెట్టుబడులు పెరిగి, ఉద్యోగ అవకాశాలు వస్తాయని టీడీపీ నేతలు ఆశాభావం వ్యక్తం చేస్తున్నారు. అమరావతి నిర్మాణం వేగవంతం కావడంతో రాష్ట్ర ఆర్థిక వ్యవస్థకు ఊపిరి పోస్తుంది.
2014 చట్టం ప్రకారం హైదరాబాద్ 10 ఏళ్లు ఉమ్మడి రాజధానిగా ఉండేది. ఆ కాలం పూర్తి కావడంతో ఇప్పుడు అమరావతి ఏకైక రాజధాని అవుతోంది. తెలంగాణకు ఇది ఎలాంటి ప్రభావం చూపదు, కానీ హైదరాబాద్లో ఏపీ సంబంధిత సంస్థలు మారాల్సి ఉంటుంది. హైదరాబాద్ ఇక తెలంగాణ ఏకైక రాజధానిగా మిగులుతుంది. ఏపీ ప్రజలు అమరావతి వైపు వెళ్తే, హైదరాబాద్లో ట్రాఫిక్, ఆస్తులపై కొంత ప్రభావం పడవచ్చు. ఐతే.. హైదరాబాద్ ఆల్రెడీ దూసుకుపోతున్న సిటీ కాబట్టి.. ఈ ప్రభావం చాలా తక్కువే ఉండొచ్చు.
• బిల్లు జూన్ 2, 2024 నుంచి రెట్రోస్పెక్టివ్గా అమలు.
• కేంద్రం మద్దతుతో టీడీపీ, బీజేపీ, కాంగ్రెస్ ఆమోదం.
• వైఎస్ఆర్సీపీ మాత్రం వ్యతిరేకం.
• అమరావతి అభివృద్ధికి ₹1 లక్ష కోట్లకు పైగా నిధులు అందే అవకాశం.
రాజ్యసభలో ఆమోదం తర్వాత.. దీన్ని రాష్ట్రపతి ఆమోదానికి పంపిస్తారు. ఆ తర్వాత కేంద్రం ఏపీ రాజధాని అమరావతి అంటూ.. గెజిట్ జారీ చేస్తుంది. ఈ బిల్లు ఆమోదం ఏపీ-తెలంగాణ మధ్య సంబంధాల్లో కొత్త అధ్యాయం మొదలు కావచ్చు. రాజ్యసభ చర్చ ఎలా ఉంటుందో, ఏపీ రాజకీయాలు ఎలా మారతాయో.. న్యూస్18 తెలుగు లైవ్ అప్డేట్స్తో ఎప్పటికప్పుడు తెలుసుకోండి!
