AP News: ఎన్టీఆర్ ఆసుపత్రిలో స్పీకర్ అయన్నపాత్రుడు ఆకస్మిత తనిఖీలు.. కాంట్రాక్టర్ తీరుపై ఆగ్రహం.. అసలేం జరిగింది? | ఆంధ్రప్రదేశ్ వార్తలు

​AP News: నర్సీపట్నం ఎన్టీఆర్ ప్రభుత్వ ఆసుపత్రిని రాష్ట్ర శాసనసభ స్పీకర్ చింతకాయల అయ్యన్నపాత్రుడు ఆదివారం(ఇవాళ) ఆకస్మికంగా తనిఖీ చేశారు. ఆసుపత్రి మరమ్మతులు, రంగులు వేసే పనుల కోసం నాబార్డ్ కింద సుమారు రూ.40 లక్షల నిధులను స్పీకర్ మంజూరు చేయించారు. ఈ నిధులతో జరుగుతున్న పనులను స్థానిక కౌన్సిలర్ చింతకాయల పద్మావతితో కలిసి ఆయన పర్యవేక్షించారు. అయితే, పనుల్లో నాణ్యత లోపించడాన్ని గమనించిన స్పీకర్ తీవ్ర ఆగ్రహం వ్యక్తం చేశారు. కాంట్రాక్టర్ లక్ష్మీనారాయణను గట్టిగా నిలదీశారు. తక్షణమే ఈ వ్యవహారంపై విజిలెన్స్ అధికారులతో ఫోన్‌లో మాట్లాడి, సమగ్ర విచారణ చేపట్టాలని ఆదేశించారు.