Amaravati News: బ్రేకింగ్.. అమరావతిపై కేంద్రం చారిత్రాత్మక ప్రకటన! ఇక తిరుగులేదు.. చట్టబద్ధమైన రాజధానిగా ముద్ర! | ఆంధ్రప్రదేశ్ వార్తలు

అమరావతి అంటే కేవలం ఒక ప్రాంతం మాత్రమే కాదని కేంద్ర ప్రభుత్వం వివరణ ఇచ్చింది. ఆంధ్రప్రదేశ్ రాజధాని ప్రాంత అభివృద్ధి ప్రాధికార సంస్థ (CRDA) చట్టం-2014 కింద నోటిఫై చేసిన రాజధాని నగర ప్రాంతాలన్నీ అమరావతి పరిధిలోకి వస్తాయని స్పష్టం చేశారు. దీనివల్ల గతంలో ఉన్న 29 గ్రామాలకు సంబంధించిన భూములు, సరిహద్దుల విషయంలో ఎలాంటి న్యాయపరమైన ఇబ్బందులు తలెత్తకుండా అడ్డుకట్ట పడింది. అమరావతి రాజధానిగా చట్టబద్ధత పొందడం వల్ల ప్రపంచ స్థాయి మౌలిక సదుపాయాల కల్పనకు మార్గం సుగమం అయ్యింది.

కేంద్రం తీసుకున్న ఈ నిర్ణయం ఆంధ్రప్రదేశ్ ఆర్థిక వ్యవస్థకు పెద్ద ఊతం ఇవ్వనుంది. రాజధానిపై స్పష్టత రావడంతో అంతర్జాతీయ పెట్టుబడులు తరలివచ్చే అవకాశం ఉంటుంది. ఐటీ కంపెనీలు, భారీ పరిశ్రమలు అమరావతి వైపు చూసే అవకాశం మెరుగుపడింది. గతంలో ఉన్న మూడు రాజధానుల ప్రతిపాదనకు ఈ సవరణ చట్టంతో పూర్తిస్థాయిలో తెరపడినట్లయింది. రాష్ట్ర అభివృద్ధి రథచక్రం ఇకపై అమరావతి కేంద్రంగానే వేగంగా ముందుకు సాగనుంది. ఇది రాష్ట్ర ప్రజల చిరకాల స్వప్నం సాకారం చేయడమే కాకుండా భవిష్యత్ తరాలకు భరోసా ఇస్తుంది.