పట్టుపట్టిన విపక్షాలు
అవకాశం లేదంటూ మొండికేసిన ప్రభుత్వం
పార్లమెంటు ఆవరణలో నిరసన
న్యూదిల్లీ: పశ్చిమాసియాలో ఉద్రిక్తతలు పార్లమెంటును కుదిపేశాయి. అధి కార, విపక్షాల మధ్య మాటల యుద్ధం కొనసాగింది. పశ్చిమాసి యా పరిణామాలపై తక్షణమే చర్చిం చాలని ప్రతిపక్ష సభ్యులు లోక్సభలో డిమాండ్ చేశారు. అందుకు ప్రభుత్వం ఏమాత్రం ముందుకు రాలేదు. స్పీకర్ అవిశ్వాసంపై చర్చ చేపడదామని ప్రభుత్వం వాదించింది. పశ్చిమాసియా రగులుతోందని, అక్కడ కోట్లమంది భారతీయులు చిక్కుకున్నారని, వారి భద్రత అత్యంత అవసరమని ప్రతిపక్షాలు స్పష్టంచేశాయి. యుద్ధం కారణంగా భారత్లో చమురు సంక్షోభం తలెత్తుతోందని చెప్పారు. చర్చకు ప్రభుత్వం ససేమిరా అన టంపై ప్రతిపక్ష పార్టీలు ఆగ్రహం వ్యక్తం చేశాయి. ఈ అంశాన్ని చర్చించాల్సిందేనంటూ విపక్ష సభ్యులు గట్టిగా పట్టుపట్టారు. ప్రభుత్వం దిగిరాకపోవడంతో సభ నుంచి వాకౌట్ చేశారు. అనంతరం పార్లమెంటులోని మకర ద్వారం సమీపంలో నిరసన ప్రదర్శన నిర్వహించారు. మన ఇంధన భద్రతను నిర్ధారించడానికి ప్రభుత్వం వివరణాత్మక అత్యవసర ప్రణాళిక రూపొందించాలని డిమాండ్ చేశారు. పశ్చిమాసియాపై చర్చ జరపాలని డిమాండ్ చేస్తూ ప్రతిపక్షాలు సభా కార్యకలాపాలకు అంతరాయం కలిగించడంతో లోక్సభ తొలుత 12 గంటల వరకు, తర్వాత 3 గంటల వరకు… ఆ తర్వాత ఏకంగా రేపటికి వాయిదా పడింది. విదేశాంగ మంత్రి ఎస్.జైశంకర్ ఇప్పటికే ఉభయ సభలకు వివరించినందున పార్లమెంటులో పశ్చిమాసియా పరిస్థితిపై చర్చ జరగదని ప్రభుత్వం తెలిపింది. పశ్చిమాసియా పరిస్థితిపై చర్చ జరపాలన్న డిమాండ్పై లోక్సభ కార్యకలాపాలు అనేకసార్లు వాయిదా పడ్డాయి. ప్రతిపక్షాలు సభకు సంబంధించి ప్రాథమిక నైతికతను పాటించడం లేదని ప్రభుత్వం ఆరోపించింది. ‘పశ్చిమ ఆసియాలో పరిస్థితి’పై లోక్సభలో ప్రకటన చేయడానికి విదేశాంగ మంత్రి జైశంకర్ లేచిన వెంటనే… ప్రతిపక్ష సభ్యులు ప్రభుత్వానికి వ్యతిరేకంగా నినాదాలు చేయడం ప్రారంభించారు. పశ్చిమ ఆసియాలో కొనసాగుతున్న సంక్షోభంపై పూర్తిస్థాయి చర్చకు డిమాండ్ చేశారు. సభా కార్యక్రమాలకు అధ్యక్షత వహించిన జగదాంబికా పాల్… ప్రతిపక్షాలు తమ ప్లకార్డుల ద్వారా లేవనెత్తిన ప్రశ్నలకు ప్రభుత్వం వివరణాత్మకంగా సమాధానం ఇస్తోందని తెలిపారు. బిర్లాను లోక్సభ స్పీకర్గా తొలగించాలనే తీర్మానం ఇప్పటికే అజెండాలో ఉన్నప్పటికీ… పశ్చిమ ఆసియా గురించి చర్చించడానికి ప్రతిపక్షాలు సభా కార్యక్రమాల వాయిదా కోసం ఒత్తిడి తెస్తున్నాయని ఆయన అన్నారు. ప్రతిపక్షాలు ఒకే రోజు రెండు అంశాలపై ఎలా చర్చించాలనుకుంటున్నాయో అని జగదాంబికా పాల్ ఆశ్చర్యం వ్యక్తం చేశారు. జైశంకర్ తన ప్రకటన పూర్తి చేసిన తర్వాత, పార్లమెంటరీ వ్యవహారాల మంత్రి కిరెన్ రిజిజు ప్రతిపక్షాలు సభా నైతికతను పాటించడం లేదని ఆరోపించారు. బిర్లాను పదవి నుండి తొలగించాలన్న తమ నోటీసును ఇప్పటికే ఆమోదించామని, ప్రభుత్వం దానిపై చర్చించడానికి సిద్ధంగా ఉందని, కానీ ప్రతిపక్షాలు సభా కార్యక్రమాలను అంతరాయం కలిగిస్తున్నాయని రిజిజు అన్నారు.
సభ నుంచి విపక్ష సభ్యుల వాకౌట్
రాజ్యసభలో కాంగ్రెస్ అధ్యక్షుడు, ప్రతిపక్ష నాయకుడు మల్లికార్జున ఖడ్గే పశ్చిమాసియా వివాదం మధ్య భారతదేశ ఇంధన భద్రతకు ఎదురవుతున్న సవాళ్లపై ఎగువ సభలో స్వల్పకాలిక చర్చ జరగాలని డిమాండ్ చేశారు. పశ్చిమాసియాలో మారుతున్న పరిస్థితిపై విదేశాంగ మంత్రి స్వయంగా ప్రకటన చేయడానికి ముందు ఖడ్గే ఈ విషయాన్ని ప్రస్తావించారు. అటువంటి చర్యకు ముందు స్వల్పకాలిక చర్చ జరగాలని పేర్కొంటూ… జైశంకర్ ఈ ప్రకటన చేయడాన్ని కాంగ్రెస్, ఇతర ప్రతిపక్ష పార్టీలు వ్యతిరేకించాయి. జైశంకర్ ప్రకటన చేస్తున్న సమయంలో వారు నినాదాలు చేశారు. ప్రకటన చివరలో సభ నుంచి వాకౌట్ చేశారు. సభ వెలుపల… కాంగ్రెస్ అధ్యక్షుడు ఖడ్గే, పార్టీ అగ్ర నేత రాహుల్ గాంధీ, సమాజ్వాది పార్టీ అధ్యక్షుడు అఖిలేశ్ యాదవ్ సహా ప్రతిపక్ష ఎంపీలు పశ్చిమాసియా వివాదంపై చర్చ జరగాలని డిమాండ్ నిరసన వ్యక్తం చేశారు. దానికి సంబంధించిన క్లిష్టమైన అంశాలపై ప్రభుత్వం ‘మౌనం’ వహించినందుకు విమర్శించారు.
అంతకుముందు, బడ్జెట్ సమావేశాల రెండవ భాగంలో వ్యూహాన్ని చర్చించడానికి ప్రతిపక్ష పార్టీల ఫ్లోర్ లీడర్లు పార్లమెంటు హౌస్ కాంప్లెక్స్లోని రాజ్యసభలో ప్రతిపక్ష నాయకుడు ఖడ్గే ఛాంబర్లో సమావేశమయ్యారు. ఇదిలాఉండగా, ‘బడ్జెట్ సమావేశాల రెండవ భాగానికి పార్లమెంటు తిరిగి సమావేశమవుతున్న తరుణంలో, ఇరాన్పై అమెరికాఇజ్రాయిల్ దాడులు... మన ఇంటి వెనుక భాగానికి చేరుకుంది. ఈ సందర్భంలో ప్రస్తుత భౌగోళిక రాజకీయ సంక్షోభంపై పూర్తి స్థాయి చర్చ జరగడం అత్యవసరం’ అని ఖడ్గే ‘ఎక్స’ పోస్ట్లో పేర్కొన్నారు. ‘ఈఏఎం ఏకపక్ష ప్రకటన పరిష్కారం కాదు. మనం సమష్టిగా దేశాన్ని విశ్వాసంలోకి తీసుకోవాలి. మన ఇంధన భద్రతను నిర్ధారించడానికి, మన వ్యాపారులకు సహాయం చేయడానికి, మన ఎగుమతులకు సరఫరా గొలుసులను వైవిధ్యపరచడానికి, ధరల పెరుగుదలతో మన ప్రజలను శిక్షించడాన్ని ఆపడానికి జీవోఐ (భారత ప్రభుత్వం) ఒక వివరణాత్మక అత్యవసర ప్రణాళికను రూపొందించాలి. ప్రతిపక్షం మన ప్రజల పట్ల సున్నితత్వాన్ని కోరుతోంది’ అని సమావేశం తర్వాత ఖడ్గే అన్నారు. పార్లమెంటు ఆవరణలో నిరసన పశ్చిమాసియా వివాదంపై చర్చకు డిమాండ్ చేస్తూ, దానికి సంబంధించిన కీలక అంశాలపై ప్రభుత్వం ‘మౌనం’ వహించడంపై ప్రతిపక్షాలు విమర్శలు గుప్పించాయి. కాంగ్రెస్ అధ్యక్షుడు మల్లికార్జున ఖడ్గే, కాంగ్రెస్ అగ్రనేత రాహుల్ గాంధీ, ఎస్పీ అధినేత అఖిలేశ్ యాదవ్ సహా ప్రతిపక్ష ఎంపీలు పార్లమెంటు ఆవరణలో నిరసన తెలిపారు. అంతకుముందు, బడ్జెట్ సమావేశాల రెండవ భాగంలో వ్యూహాన్ని చర్చించడానికి పార్లమెంటు ఆవరణలోని రాజ్యసభ నాయకుడి గదిలో ప్రతిపక్ష పార్టీల ఫ్లోర్ లీడర్లు సమావేశమయ్యారు. ఖడ్గే, రాహుల్ గాంధీతో పాటు సమాజ్వాదీ పార్టీకి చెందిన రామ్ గోపాల్ యాదవ్, డీఎంకేకు చెందిన దయానిధి మారన్, ఎన్సీపీ(ఎస్పీ) నాయకురాలు సుప్రియా సూలే, శివసేన (యూబీటీ) నాయకుడు సంజయ్ రౌత్ తదితరులు ఈ సమావేశంలో పాల్గొన్నారు. తరువాత ప్రతిపక్ష ఎంపీలు పార్లమెంటులోని మకర ద్వారం సమీపంలో నిరసన ప్రదర్శన నిర్వహించారు. ‘గల్ఫ్ దహనం... చమురు షాక్... భారతీయులు చిక్కుకుపోయారు... భారతదేశానికి నాయకత్వం అవసరంనిశ్శబ్దం కాదు’ అని రాసిన భారీ బ్యానర్తో ఎంపీలు ప్రభుత్వానికి, ప్రధాన మంత్రి నరేంద్ర మోదీకి వ్యతిరేకంగా నినాదాలు చేశారు. ఈ నిరసనలో ఖడ్గే, రాహుల్ గాంధీ, అఖిలేశ్, టీఎంసీకి చెందిన సాగరిక ఘోష్ తదితరులు పాల్గొన్నారు.
