గజా: ఇజ్రాయిల్ వైమానిక దళం గజాపై బాంబుల వర్షం కురిపించింది. ఈ దాడిలో 13 మంది పలస్తీనియన్లు మృతి చెందారు ఇద్దరు బాలురు, ఓ గర్భిణీ మహిళ, 9మంది పోలీసు అధికారులతో సహా 13 మంది చెందినట్లు తాజాగా గజా ఆరోగ్య మంత్రిత్వశాఖ తెలిపింది. ఆదివారం రాత్రి సెంట్రల్ గాజాలోని నుసెయిరాత్ పట్టణ శరణార్ధి శిబిరంలోని ఒక ఇంటిపై ఇజ్రాయిల్ సైన్యం జరిపిన దాడిలో నలుగురుమతిచెందారు. వీరిలో 30 ఏళ్ల వయసున్న జంట, వారి పదేళ్ల కుమారుడు ఉన్నారని సమీపంలోని అల్ అక్సా ఆసుపత్రి తెలిపింది. కాగా, ఈ దాడిలో చనిపోయిన గర్బిణి మహిళ కడుపులో ఇద్దరు కవలపిల్లలున్నారని ఆసుపత్రి వైద్యులు ధృవీకరించారు. అలాగే ఈ దాడిలో పొరుగింటి 15 ఏళ్ల కుర్రాడు కూడా చనిపోయాడు. ఈ దాడిలో అతను గాయాలపాలైతే చికిత్స కోసం నుసేరాత్లోని అల్- అవ్దా ఆసుపత్రికి తీసుకెళ్లినప్పటికీ ప్రయోజనం లేకపోయింది. దక్షిణ ఉత్తర ఫిలడెల్ఫీ కారిడార్లోని అజ్- జవాయ్డా పట్టణ ప్రవేశ ద్వారం వద్ద ఉన్న పోలీసు వాహనంపైనా బాంబు దాడి జరిగింది. ఇజ్రాయిల్ దాడిలో సీనియర్ పోలీసు అధికారి కల్నల్ ఇయాద్ అబ్ యూసఫ్తో సహా 9 మంది పోలీసులు మృతి చెందారని గాజా ఆరోగ్య మంత్రిత్వశాఖ తెలిపింది.
